Bılikti zańsyz basyp alýǵa áreket etti dep aıyptalyp otyrǵan burynǵy bıznesmen Toqtar Tóleshev Qazaqstannyń vıse-prezıdenti bolýǵa umtylyp, artynsha memleketti basqarǵysy kelgen, - dep habarlaıdy Qamshy.kz  Ulttyq qaýipsizdik komıtetiniń baspasóz qyzmetiniń ókili  Rýslan Qarasevqa silteme jasap.

R.Qarasevtiń aıtýynsha, bılikti basyp alý josparyn oryndaý úshin T. Tóleshev aldymen eldegi jaǵdaıdy turaqsyzdandyrýǵa áreket jasaǵan. Bul úshin T. Tóleshev 2005 jáne 2010 jyly Qyrǵyz Respýblıkasynda bolǵan jaǵdaıdy óte muqıat zerttegen. Tipti Qyrǵyzstanǵa ózi baryp, kerekti materıaldar men derek-dáıekter izdegen.

«Bılikke halyq arasynda jappaı tártipsizdik ornatyp, halyqty narazylyqqa azǵyrý arqyly kelýge bolatynyn túsingen ol bul aram pıǵylyn Qazaqstannyń batysynda tez júzege asyrýǵa bolady degen boljamǵa kelgen. Tóleshev Qazaqstannyń  batysynda narazy toptar bar dep paıymdap, áleýmettik-ekonomıkalyq jáne ózge de máselelerdi alǵa tarta otyryp, narazy toptardy óz múddesi úshin paıdalanbaq bolǵan. Jappaı tártipsizdik pen ádeıi uıymdastyrylǵan narazylyq aksıalarynyń barysynda ol bılikke últımatým jasap, ózi  úshin vıse-prezıdent laýazymyn engizýdi kózdegen. Artynsha, memleketti ózi basqarýdy oılaǵan»,-dep habarlady R.Qarasev.