UQK ókilderi jýrnalıserge Toqtar Tóqleshevtiń sybaılastarynan tárkilengen qarý-jaraqty kórsetti, - dep habarlaıdy Qamshy.kz.

"Tóleshovtiń qol astynda 90-nan asa qarýlanǵan jáne qajetti oqýdan ótken jaýynger bolǵan. Arnaıy bólimsheni syrttaı zańdy etý úshin Tóleshov ol topqa arnaıy "Smersh" kúzet fırmasyn, keıinnen "Vympelgrýpp" fırmasyn tirkegen. Sonymen qatar, Tóleshov uıymdastyrǵan toptyń qajettilikterin óteý úshin qol astyndaǵy adamdar arqyly zańsyz túrde oq atatyn qarý men jarylǵysh zattardy alyp otyrǵan. Tóleshovtiń kásiporyndaryn jáne basqa múlik nysandaryn tintý barysynda onyń sybaılastarynan 10 danadan asa oq atatyn qarý, granata men birneshe atý jaraqtary alyndy. Sondaı-aq, Tóleshovtiń qylmystyq tobynda kúzet fırmalaryna tirkelgen 60-tan asa qyzmettik qarý bolǵan", - dep habarlady UQK ókilderi. 

Sonymen qatar, Tóleshovke transulttyq qylmystyq qoǵamdastyqty qarjylandyrǵan, sonymen qatar turaqty qarýly topty quryp, basqarǵan degen kúdik kelip otyr. Al 11 shildede UQK ókilderi Tóleshovtiń uzaq ýaqyt boıy sheteldegi "Bratskıı krýg" sıaqty belgili qylmystyq transulttyq qaýymdastyqtyń lıderleri men basty tulǵalaryn qarjylandyryp kelgenin jáne baılanysta bolyp kelgenin habarlady.