Ystambulda Túrkıa qazaqtary úshinshi quryltaıy aıasynda 9 maýsym kúni ótken dóngelek ústel jınalysynda qazaq dıasporasynyń mańyzdy máseleleri talqylandy. Onyń ishinde kelesi jyly Astanada ótetin dúnıejúzi qazaq quryltaıy da sóz boldy. Dúnıejúzi qazaqtary qaýymdastyǵynyń tóraǵasynyń birinshi orynbasary Talǵat Mamashev onyń formasynyn burynǵylardan basqasha formatta bolatynyn aıtty. Bul týraly aǵaıyndardyń usynystary bolsa hat jazsyn degen ol sóılegen sózinde sózinde dúnıejúzi qazaqtary quryltaıynyń besinshisiniń kelesi jyly Astanada ótetinin málimdedi.

Ol, bıyl, ıaǵnı 2016 jyly ótýge tıis quryltaıdyń “EXPO 2017”ge baılanysty bir jyl keıinge qaldyrylǵanyn aıtty. Mamashev sonymen qatar quryltaıǵa shetelderden 500-deı qazaq shaqyrylatynyn jáne jastarǵa basymdyq beriletinin de málimdedi. Ystambuldaǵy Túrkıa qazaqtarynyń úshinshi quryltaıy týraly keıin maqala jazyp oqyrmandarǵa kóbirek málimet beretin bolamyz.

Bir sózben aıtqanda 2016 jyly, 5-9 maýsym kúnderi Ystambulda ótken quryltaı joǵary dengeıde ótti dep aıta alamyz.

Ábdiýaqap Qara

Mımar Sınan Kórkem Óner Ýnıversıtetiniń profesory, tarıh ǵylymynyń doktory