Eki márte dopıng synaǵynan «ustalǵan» aýyratlet Ilá Ilın mamandyǵyn ózgertedi, - dep habarlaıdy Qamshy.kz KTK arnasyna silteme jasap.
Sportshy endigi ýaqytta ǵylymǵa boı uryp, Anglıada sport menedjmenti men psıhologıa salasynda bilim almaq. Ázirge Ilınniń naqty qaı oqý ornyna baratyny anyqtalǵan joq.
Bul týraly sportshynyń jeke bapkeri Erjas Boltaev habarlaǵan.
«20 jyl boıy sportpen aınalysqan ol oqýǵa jóndep kóńil bóle almady. Qazir Ilá sol olqylyqtardyń ornyn toltyrýdy oılap júr, alaıda, sportty tastamaq emes. Ol Anglıaǵa baryp, sport salasyndaǵy psıhologıa men menedjment ilimin ıgermek», - deıdi E. Boltaev.
Bapker Rıo Olımpıadasyna Ilásyz baratyn Qazaqstan quramasynan úmit kútetinin aıtqan. Laıyqty sportshy retinde 2015 jylǵy Álem chempıony Aleksandr Zaıchıkovty atady.
«Zaıchıkov Hústonda Reseı sportshysy Dáýit Bedjanıannan asyp tústi. Onyń aldyndaǵy jarystarda ózbekstandyq Rýslan Nýrıddınovpen kezdesti. Aldaǵy Olımpıadada bul sportshylar Zaıchıkovtyń 105 kelige deıingi salmaq kategorıasyndaǵy basty qarsylastary bolmaq», - deıdi bapker.
Qazaqstannyń aýyrt atletıkadan áıelder quramasynyń aǵa bapkeri Vılorıı Pak ta Chınshanlo, Maneza men Podobedovasyz da quramamyzdyń álemdik dodadan qur qaıtpaıtynyna senimdi.
«Biz 2014 jylǵy Azıa oıyndarynyń chempıony Margarıta Elıseeva men 2013 jylǵy Búkilálemdik stýdentter oıyndarynyń kúmis júldegeri Karına Gorıchevaǵa úmit artyp otyrmyz», - deıdi V. Pak.
Esterińizge salsaq, 11 shilde kúni aýyr atletıkadan Rıo Olımpıadasyna baratyn el quramasynyń negizgi irikteýi ótip, onyń quramyna 8 sportshy endi.
