Qazaqstan Respýblıkasynyń Premer-Mınıstri Kárim Másimov Mońǵolıanyń Baıan Ólgeı aımaǵyna bardy, - dep habarlaıdy Qamshy.kz úkimet basshysynyń Tvıtterdegi paraqshasyna silteme jasap.

Sapar barysynda qazaq dıasporasymen kezdesý, murajaı men drama teatryna, Ólgeıdegi orta mektepke barý josparlanǵan. 

Sondaı-aq, K.Másimov Mońǵolıada ótetin XI ASEM samıtine qatysady.

ASEM (Asia - Europe Meeting, ASEM) - ashyq, resmı emes, aımaqaralyq dıalogtik úderis bolyp tabylady, onyń aıasynda qatysýshy elderdiń saıasat pen qaýipsizdik, qarjy-ekonomıkalyq jáne áleýmettik-mádenı salalardaǵy yntymaqtastyǵy júzege asyrylady.

Forýmnyń kún tártibinde jahandyq qarjylyq-ekonomıkalyq daǵdarys saldaryn jeńý, qazirgi jáne jańa qaýip-qaterlerge qarsy áreketter, jappaı qyryp-joıý qarýlaryn taratpaý, energıalyq qaýipsizdikti qamtamasyz etý, turaqty damý, klımattyń ózgerýi, ekologıa, mádenı baılanystardy ilgerletý jáne t.b. baǵyttar qamtylǵan.

Qazirgi kezde ASEM quramyna 53 memleket kiredi.