Elimizdegi eń iri qurylys korporasıasynyń biri - «MAK-tyń» jumysshylary bas kóterdi. Almatyda záýlim úıler salyp jatqandar eki aıdan beri aılyq almaǵan. Sondyqtan búgin qurylysshylar jumysqa shyqpaı, mańdar ter aqylaryn talap etti. Aıtýlarynsha, basshylar jyl basynan beri jalaqyny jyrymdap berip kelgen. Al sońǵy ýaqytta múlde kók tıynsyz qaldyrypty.
Eki aıdan beri kók tıyn kórmegen bul azamattar búgin jumysqa shyqqan joq. Óıtkeni Almatyda záýlim úı salyp jatqan «MAG» korporasıasynan mańdaı ter aqylaryn daýlap júr. Basshylardyń da kúnde erteńi bitpeıdi eken.
Samat Eralıev, qurylysshy:
-Kúnde kelemiz. Aqshasy qalmaǵan adamdardy jaldamaly páterlerinen qýyp shyqqan. Jeıtin tamaǵy joq. Halyq ne isteýi kerek ashtan ólýi kerek pe?
Gúljanat Nuǵymanova, qurylysshy:
- Jumys júrip jatyr, al aqsha joq. Tegin istep júrmiz. Bári jaıaý kelip jatyr jumysqa. Eshkimde aqsha joq.
«MAG» korporasıasy jyl basynda ataýyn ózgertip, «Tarlan» qurylys kompanıasy bolyp qaıta qurylyp jatyr eken. Qurylysshylar sol sátten bastap aılyq alýdyń muńǵa aınalǵanyn aıtady. Tipti jumystan shyqqanda beriletin ótemaqydan da qaǵylǵan. Al jarty jyldan beri zeınetaqy qorlaryna aqsha aýdarylmady - deıdi jınalǵandar.
Shahmardan Ámirbekov, brıgadır:
- Barlyǵymyzǵa aryz jazǵyzyp, kompensasıa tóleımiz degen. Ony da bergen joq. Zeınetaqy qoryna aqsha da tólenbeıdi.
Alaıda ashynǵan jurtqa basý aıtatyn bir adam shyqqan joq. Sondyqtan jumysshylar bas keńsege basa kóktep kirýge májbúr boldy. Biraq basshylar burynǵy ádetine basyp, ýádeni taǵy úıip-tógip jatyr. Qarjylyq qıyndyqtarǵa tap boldyq degen dırektor aldaǵy on kún ishinde bir aıdyń aqshasyn bolsa da beremiz dep sendirýde.
-Nege jumysshylardy oılamaısyzdar. Sizder salqyn jerde otyrsyzdar. Rahat!Qashan bolady aqsha?
Erbol Ábildınov, «MAG» korporasıasynyń bas dırektory:
-V techenıe 10 dneı býdet vyplacheno zp ı pogashena pensıonnye ochıslenıe vse. Ranshe ıa toje ne mogý.
Bul kompanıada aqshasyn ala almaı júrgen 500-ge tarta jumysshy bar eken. Biraq korporasıa basshysy olarǵa qansha qarjy bereshek ekenin ekenin bilmeıtin bolyp shyqty. Esesine suraq qoıǵandarǵa qabaq shytyp, ses kórsetti.
Erbol Ábildınov, «MAG» korporasıasynyń bas dırektory:
-Seıchas ıa ne mogý skazat. Zachem lıchnye voprosy.
-Vy daje ne znaete skolko vy zadoljalı rabochım?
-Vy ne perevorachıvaıte moı slova. Eto nado podnımat v fınbloke.
Eki aı boıy aılyq bermegenderdiń endi on kúnde aqsha tabylady degenine eshkimniń sengisi joq. Sondyqtan qurylysshylar qalalyq prokýratýra men eńbek ınspeksıasyna shaǵym túsirmekshi.
