Aqtaý joǵarǵy oqý oryndarynyń birinde janjal shyqty. Oǵan birden 50 stýdenttiń dıplomdyq jumysyn qorǵaı almaǵany sebep bolǵan, - dep habarlaıdy Qamshy.kz KTK arnasyna silteme jasap.

Dısertasıalar Bilim mınıstrliginen kelgen komısıanyń kóńilinen shyqpaı, kúzde qaıta tapsyrýǵa jiberipti. Stýdentterdiń dıplomdyq jumysty qorǵaı almaýynyń da sebepteri bar eken. Sóıtse, ony eshqaısysy jaza almaı, satyp alǵan kórinedi.

Aqtaýdaǵy gýmanıtarlyq-tehnıkalyq ýnıversıtetiniń bul stýdentteri kúni keshe kópten kútken dıplomǵa qol jetkizdik dep oılaǵan. Tipti saýyq keshine qamdanyp ta qoıǵan eken. Biraq tekserýge kelgen memlekettik komısıa bul jospardyń tas-talqanyn shyǵardy. Óıtkeni, stýdentterdiń dıplomdyq jumysy talapqa saı emes dep tanylǵan.

Rahash Baıturova:

 -İshpeı-jemeı, kıinbeı eńbek etip, osy balalar erteń qara jumysshy bolmasyn, qoldarynda dıplom bolsyn dep oqytyp jatyrmyz. Bul qalaı bolǵany, túsinbeı otyrmyn. Eńbegimiz esh ketti ma, balalarymyz qańǵyp oqydy ǵoı.

Óz ǵylymı jumystaryn tek sanaýly stýdent qorǵaı alypty. Al birinshi kúni-aq 50 dıplomdyq jumysta kemshilikter tabylǵan. Olardyń qatarynda bolashaq qarjygerler men qazaq tili pániniń muǵalimderi bar. Stýdentter ýnıversıtette bilimniń joqtyǵynan dıplom jumysyn ustazdarynan satyp alǵanyn ashyq aıtyp otyr.

Jupar Qultaeva, 4 kýrs stýdenti:

-«Mynaý durys emes» satyp aldyńdar deıdi. Árıne, biz satyp alamyz. Bizde bilim joq. Myna jaqta durys bilim bergen joq. Bizge baǵyt-baǵdar beretin ǵylymı jetekshi taǵaıyndalǵan joq.

-Qyzdar bizde joq qoı?

-Joq! 

Gúlnar Tájiqojaeva, 4 kýrs stýdenti:

-Almatydan kelgen komısıa myna dıplomdaryńdy qabyldamaımyn, ótpeıdi dedi. Almatydaǵy ýnıversıtettiń magıstratýrasyna túsetin bolsańdar men qabyldaımyn dıplomdy. Túspeseńder qabyldamaımyn deıdi.

Ashýly stýdentter búgin rektordy jaǵadan alýǵa deıin bardy. Sebebi, bilim sapasyna sol jaýapty. Al jumystardy birinen soń birin qaıtarǵan komısıa músheleri bundaı daıyndyqtaǵy bolashaq mamandar úshin jaýapkershilikti óz moınyna alǵysy joq.

Alma Túsipova, memlekettik komısıa múshesi:

-Prosto onı samı n delalı etı raboty.

-Ne samı?

-Konechno!

-Vy schıtaete chto onı kýpılı etı dıplomy?

-Zaprosto! Ý nıh v golove dengı. Komý onı otdalı pýstonı ı otvechaıýt. Izvınıte, vot za takoı balogan mená po golove ne pogladát. My spesıalısty ı ne ımeem prava delat takogo. Mne stydno derjat takıe raboty v rýkah.

Degenmen stýdentterge óz kemshilikterin túzeýge kúzge deıin ýaqyt berildi. Tek endi dıplomdyq jumysty bolashaq ustazdar men qarjygerlerdiń ózderine jazýǵa týra keledi.