Almatyda týberkýlez juqtyrǵan 22 naýqas em alýdan bas tartyp otyr, - dep habarlaıdy Qamshy.kz Tengrinews.kz -ke silteme jasap.

Bul týraly Jetisý aýdanynyń prokýratýrasy habar taratqan.

Prokýratýradaǵylar azamattyq ister boıynsha týberkýlez aýrýyna shaldyǵyp, em alýdan bas tartyp otyrǵan azamattardy eriksiz emdeý týraly saraptama júrgizdi. Qaladaǵy týberkýlezge qarsy uıymdardyń málimetinshe, Almatyda shilde aıynda týberkýlezben aýyratyn 42 naýqas em alýdan bas tartqan. Sottyń sheshimi boıynsha 20 naýqas aýrýhanaǵa jetkizilse, qalǵan 20-y em alýdan bas tartqan.

QR "Halyq densaýlyǵy jáne densaýlyq saqtaý júıesi" zańyna sáıkes, juqpaly týberkýlez aýrýyna shaldyqqan naýqastar aýrýhanada em alýǵa mindetteledi. Sebebi, qoǵamdyq oryndarda olar aýa-tamshyly juqpa arqyly basqa adamdarǵa aýrýdy juqtyrý qaýpi bar.

Aıta keteıik, naýqastardy eriksiz emdeýdiń sebebi olardyń dárigerler belgilegen emnen bas tartyp, onymen qoımaı týberkýlezge qarsy uıymdardan óz betimen ketip qalý jáne em alý rejımin buzý bolyp otyr.

"Týberkýlezge shaldyǵyp, em alýdan bas tartqan azamattardy eriksiz emdeý týraly sheshimdi sot qabyldaıdy. Prokýratýra saraptamalarynyń qorytyndysy boıynsha ýákiletti organdarǵa naýqastardy jedel túrde medısınalyq mekemelerge jetkizý jáne zań buzýshylyqtardy joıý mindetteldi", - dep qorytyndylady sózin aýdandyq prokýratýra bóliminiń basshysy Aman Omarov.