Aımaq basshysy Danıal Ahmetov Katonqaraǵaı aýdanyna jumys sapary barysynda Berel qorǵandarynyń negizinde etnotýrızmdi damytý josparyn daıyndap, týrıserdi tartý úshin barlyq jaǵdaı jasaýdy tapsyrdy, - dep habarlaıdy Qamshy.kz.

Etnotýrızmdi damytý aımaqtyq josparyna kıiz úı úlgisindegi ulttyq naqyshtaǵy qonaq úı, arnaıy jabdyqtalǵan tamaqtaný nysandaryn salý syndy sharalar engiziledi. Sonymen qatar, aımaq basshysy Berel jazyǵyna kelgen adamdar ol jerdiń qundylyǵy men kóne zamannyń rýhyn seziný qajettiligin atap ótti. Osy rette atpen júrý jáne jaıaý júrginshilerge arnalǵan jol baǵdarlaryn daıyndaýdy tapsyrdy.

Atalǵan jospardy iske asyrý barysy qyrkúıek aıynyń basynda Óskemen qalasynda ótetin halyqaralyq ǵylymı-praktıkalyq konferensıa barysynda talqylanady.

– Biz qorǵandardyń betine sarkofag ornatý jumystaryn jyl saıyn qarjylandyrýǵa daıynbyz, - dedi SHQO ákimi arheologıalyq ekspedısıa jetekshisi, profesor Zeınolla Samashevqa. – Osylaısha, bir jaǵynan, arheologtar tarıhı muramyzdy zertteý jumystaryn júrgizse, ekinshi jaǵynan, ǵylym salasymen baılanysty bıznes-úrdisti damytatyn bolamyz.

Katonqaraǵaı aýdanynyń ákimdigi týrızmdi damytý baǵdarlamasyn daıyndaý maqsatynda kásipkerlerdi tartýmen aınalysady.

Shyǵys Qazaqstan oblysynda bıyl 2016-2018 jyldarǵa arnalǵan arheologıa salasynda ǵylymı zertteý jumystaryn damytý Jospary sheńberinde elimizdiń jáne shet elderdiń jetekshi ǵalymdary bes kóne arheologıa eskertkishterinde aýqymdy qazba jumystaryn júrgizip jatqandyǵyn aıta ketý kerek.