Anımasıalyq kıno qaýymdastyǵynyń prezıdenti Ǵalı Myrzashev rejıser Talǵat Jánibekovty qoldaıtynyny aıtyp, Qazaqstan kınoındýstrısyndaǵy jemqorlyq týraly ashyq pikir bildirdi, - dep habarlaıdy Qamshy.kz Informburo.kz -ke silteme jasap.
-«Qazaqfılm» mınıstrlik atynan qarajatty kimge berý kerektigin burynnan ózi sheshedi. Mysaly, Qazaq handyǵynynń 550 jyldyǵyna oraı 2 mıllıon dollardy shymkenttik anımasıalyq stýdıaǵa berdi. Men Shymkenttikterge qarsy emespin, biraq, olarda arnaıy bilimi bar mamandar jumys istemeıdi. Áýesqoılyqpen ózi úırengender. Baıqaý qaıda? Shart qaıda? Tipti «Kóshpendiler» fılmin túsirerde de Tımýr Bekmambetov óz treılerin usynǵan, onyń sózine eshkim qulaq aspaǵan, – deıdi Ǵalı Myrzashev.
Memlekettik qoldaýǵa muqtaj emes ekenin aıtqan qaýymdastyq prezıdenti kıno salasynda nebir jemqorlyqtyń bar ekenin, Jánibekov tek sonyń shetin ǵana yshǵarǵanyn aıta kele, "halyq muny bilýi kerek" dedi.
Esterińizge sala keteıik, buǵan deıin rejıser Talǵat Jánibekov Muhamedıuly bopsalaýmen aınalysty dep málimdep, vıdeo jarıalaǵan bolatyn.
Sondaı-aq, QR Mádenıet jáne sport mınıstrliginiń Mádenıet isteri jónindegi departamentiniń dırektory Aqtoty Raıymqulova "Fenıks" fılminiń rejıseri Talǵat Jánibekov pen mınıstr Arystanbek Muhamedıulynyń arasynda shyqqan daýǵa qatysty pikir bildirgen edi.
Al QR Mádenıet jáne sport mınıstri Arystanbek Muhamedıuly advokaty arqyly ar-ojdanyna nuqsan keltirgen rejıserdi sotqa beretinin málimdegen.
