100 gramnan astam geroındi Aqtóbelik áıel adam óz jynys múshesinde jasyryp tasymaldaǵan. 35 jastaǵy áıeldi Aqtóbe oblystyq İİD Esirtki bıznesine qarsy kúres basqarmasynyń qyzmetkerleri Aqtóbeden Qostanaıǵa qatynaıtyn avtobýstan ustaǵan, - dep habarlaıdy Qamshy.kz Tengrinews.kz -ke silteme jasap.

"Áıel adam oblys ortalyǵyna 109,13 gram geroındi kórshi aımaqqa taratý maqsatynda alyp kelgen", - deıdi jedel ýákil Tatána Sıdenko. Tárkilengen zatty arnaıy mamandar 600 myń teńgege baǵalady.

Esirtkini shyǵarý úshin polıseıler jedel járdem qyzmetiniń aýrýhana gınekolygynyń kómegine júgingen. Alaıda sol jerde turyp-aq áıel adam birneshe ret otyryp turǵannan soń jynys múshesinen ózi alyp shyqty, dep bólisti polısıadaǵylar. Belgili bolǵandaı, ustalǵan adam esirtkige táýeldi jáne 17 jastaǵy qyzy bar eken.

Jasaǵan qylmysy úshin áıel adam QR QK-niń 297-baby 1-tarmaǵy ("Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý,ıemdený, saqtaý, tasymaldaý, jóneltý ne ótkizý") boıynsha múlki tárkilenip, bes jyldan on jylǵa deıingi merzimge bas bostandyǵynan aıyrýǵa jazalanaýy múmkin.