Kelesi jyly Shyǵys Qazaqstan oblysynyń ortalyǵyndaǵy halyqaralyq áýejaıda saǵatyna 200 adamdy qabyldaı alatyn jańa jolaýshylar termınaly paıda bolady, - dep habarlaıdy Qamshy.kz.

Bul týraly aımaq basshysy Danıal Ahmetov oblystyq máslıhat depýtattarynyń aldyndaǵy esebinde habarlady.

Jańa termınal Óskemenniń áýe aılaǵyna adamdarǵa halyqaralyq standarttarǵa saı qyzmet kórsetýge múmkindik beredi.

– Jolaýshylar ushaqtan túsip, keńes zamanyndaǵydaı saǵattap kezekte turý tájirıbesin toqtatý qajet, – dedi SHQO ákimi Danıal Ahmetov. – Óskemen áýejaıy halyqaralyq standarttarǵa saı bolý kerek. Biz jobany «Ertis»  áleýmettik-kásipkerlik korporasıasy arqyly qarjylandyryp, aldaǵy ýaqytta qurylys jumystaryn bastaımyz.

Jobalyq qujattamalarǵa saı qurylys jumystarynyń merzimi 7 aıdy quramaq. Qazirgi ýaqytta konkýrstyq sharalar júrgizilýde.

Mamandardyń aıtýynsha, jańa termınal qoldanysqa berilgen soń Óskemen áýejaıynan ushý  baǵyttarynyń sanyn arttyrýǵa, jańa avıatasymaldaýshy kompanıalardy tartýǵa, «Qazaqstan – Eýropa – Ońtústik-SHyǵys Azıa memleketteri» baǵyttaryndaǵy tranzıttik áýe kemelerin qabyldaýǵa múmkindik týmaq.  Sonymen qatar kórsetiletin qyzmettiń sapasy artyp, Azamattyq avıasıanyń halyqaralyq uıymynyń talaptaryna sáıkes jolaýshylar qaýipsizdigin qamtamasyz etýge múmkindik týady.