Memleket basshysy Nursultan Nazarbaev Fransıa Prezıdenti Fransýa Ollandqa Nıssa qalasynda bolǵan terrorlyq aktige baılanysty kóńil aıtý jedelhatyn joldady, - dep habarlaıdy Qamshy.kz Aqordanyń baspasóz qyzmetine silteme jasap.

Jedelhatta Qazaqstan Prezıdenti 14 shildede Nıssa qalasynda bolǵan terrorlyq akt saldarynan kóptegen jazyqsyz adamnyń qaza bolǵany jáne zardap shekkeni týraly habardy zor kúızelispen qabyldaǵany atap ótilgen.

«Qazaqstan terorızmniń kez kelgen túrin qatań aıyptaıdy, qandaı maqsatta bolsa da jazyqsyz qan tógýdi aqtaýǵa bolmaıdy dep sanaıdy», - delingen jedelhatta.

Nursultan Nazarbaev qaıǵyǵa ortaqtasa otyryp, barsha qazaqstandyqtardyń jáne jeke óziniń atynan F.Ollandqa, qaza bolǵandardyń otbasylaryna jáne jaqyndaryna, sondaı-aq fransýz halqyna kóńil aıtty.

Elbasy zardap shekkenderdiń tezirek saýyǵyp ketýine tilektestik bildirdi.