Aqtóbedegi terakt kezinde jaraqat alǵandarǵa jergilikti qazynadan 9 mıllıon teńge bólinedi, - dep habarlaıdy Qamshy.kz.

-Ol kúnderi biz lańkestik shabýyldardyń qurbany bolǵan aqtóbelikterdiń týystaryna barynsha kómek kórsetýge tyrystyq. Birinshi kezekte biz jerleý rásiminiń shyǵyndaryn óz moınymyzǵa aldyq. Oblys ákimi Berdibek Saparbaevtyń sheshimimen ár otbasyǵa 5 mıllıon teńgeden bólindi", - dedi oblys ákimniń orynbasary Madıar Qabyl.

Qazirgi ýaqytta 11 otbasyna 400 myń teńgeden, beseýi 500 myń teńgeden alsa, bir otbasy 700 myń teńge, taǵy bir otbasy bir mıllıon teńge berilgen. Barlyǵy 18 otbasy kómek aldy.

Esterińizge sala ketıik, 5 maýsymda Aqtóbede terakt bolyp, onyń saldarynan ondaǵan adam qaza tapty. Qazaqstanda terrorlyq qaýiptiń sary deńgeıi, al Aqtóbede qyzyl deńgeıi engizilgen edi.