Sibir jarasyna baılanysty Qaraǵandy oblysynda jarıalanǵan karantın bitti. Bul týraly búgin Aýyl sharýashylyǵy mınıstrligi veterınarlyq baqylaý jáne qadaǵalaý komıtetiniń tóraǵasy Saqtash Hasenov málim etti, - dep habarlaıdy Qamshy.kz QazAqparatqa silteme jasap.
«Qaraǵandy oblysyndaǵy karantın alynyp tastaldy», - dep habarlady ol Ortalyq komýnıkasıalar qyzmetindegi brıfıńide.
Buǵan deıin habarlaǵynymyzdaı, 2016 jyldyń 8 maýsymy men 8 shildesi aralyǵynda Qazaqstan boıynsha 16 adam túıneme juqtyrǵan. Almaty oblysynda - úsh adam, Shyǵys Qazaqstan oblysynda - eki adam, Qaraǵandy oblysynda segiz adam (ókinishke qaraı, ekeýi qaıtys boldy), Pavlodar oblysynda úsh adam osy aýrýmen aýyrǵan. Aman qalǵan on tórt adamnyń segizi qazir aýrýhanadan shyqqan, taǵy alty adam stasıonarda em qabyldaýda.
