Qazaqstandyń İlıas Jumashev terakt bolǵan Nıssanyń jaı-kúıi týraly áńgimeledi.

Onyń aıtýynsha, İ.Jumashev sársenbi kúni 13 shildede dostarymen demalýǵa kelgen. Poıyzben 1 kúnge Italıaǵa baryp,  Nıssaǵa qaıtyp kelgen.

«Terakt kezinde men anglıalyq jaǵalaýǵa jaqyn kóshelerde júrdim. Polısıany, jedel járdem kólikterin kórip qonaq úıge asyqtym. Mende bári durys, Allaǵa shúkir. Qazir de Nıssadamyn, erteń keshke ózim turyp jatqan Barselona qalasyna ushamyn», - dedi ol.

Búgin keshke Nıssa qalasynda amerkalyq ánshi Rıannanyń konserti bolýy tıis edi, biraq jaǵdaıǵa baılanysty konsert bolmaıdy.

«Búgin tańǵy 10 shamasynda kóshege shyqpaı turyp, qalanyń jandana bastaǵanyn balkonnan tamashalap edim. Adamdar qydyryp júr, dámhanalar ashylyp jatyr. Qazir anglıalyq jaǵalaýdyń bir bóligi jabyq nemese qaraýyl kúzetinde bolýy múmkin. Ol jaqqa qazir barýdyń qajeti joq», - dep habarlady İ.Jumashev.

Esterińizge sala keteıik, shildeniń 14-i kúni Nıssa jaǵalaýynda Bastılıa qamalyn alý kúnin toılaý barysynda júk kóligi adamdardy basyp-janshyp, keıin kólikten jıylǵan jurtqa oq atqan. Shabýyl saldarynan 84 adam qaza tapty, onyń ishinde balalar bar, taǵy 18-i aýyr jaraqat aldy, 100-den astamy jaraqattandy. Fransıalyq BAQ júk kóliginen 31 jastaǵy Nıssa turǵynynyń jeke kýáligin tapqanyn, onyń Fransıamen qatar Týnıs azamaty bolǵanyn habarlady. Polısıa júk kóliginiń júrgizýshisin atyp tastady. Kúsh qurylymdary onyń sybaılastarynyń bolǵanyn ne bolmaǵanyn anyqtap jatyr.