Nıssada demalyp júrgen qazaqstandyqty lańkestiń júk kóligi soǵyp kete jazdaǵan, - dep habarlaıdy Qamshy.kz Tengrinews.kz -ke silteme jasap.
Qazaqstandyq Gúlnara Samatova óziniń jıenimen birge laikestiń júk kóliginiń astynda qalyp qoıa jazdaǵany týraly aıtyp berdi.
Olardy ólimnen 19 jastaǵy uly arashalap qalǵan. "Men balalarymmen Nıssada 1 shildeden beri júrmin. Bizde barlyǵy jaqsy. Eger muny solaı dep aıtýǵa bolatyn bolsa. Júk kóligi bizden qol sozym jerden ótti", - deıdi Gúlnara.
"Keshkisin otshashýlar kórýge barǵanbyz, - dep esine túsirdi áıel. - Aınalamyzda adam kóp boldy: otbasylar balalarymen, qarttar, múmkindigi shekteýli jandar arbamen. Barlyǵynyń da kóńil kúıi merekege saı bolǵan. Otshashýdan keıin olar úıine jaıaý qaıtpaq bolǵan, sebebi kólik joldary jabyq bolǵan. Olar úıine shamamen bir-bir jarym saǵatta jetetin bolǵan".
"Biz basynda jol jıegimen júrdik. Sosyn Promenadqa aýystyq. Ulym kelesi betke ótip alaıyq degende, men ázirshe ótpeı-aq qoıaıyq dedim, sebebi ol jaqtyń aıaqjoly tym qysqa edi. Bes mınýttaı júrgen soń, qatty jyldamdyqpen jáne sekirip kele jatqan júk kóligin kórdik. Men sol kezde kórgenimdi esh ýaqytta umytpaıymyn! Meniń sanamda ol úlken sur júk kóligi bolyp qalady. Bizdiń áskerı júk kólikterine uqsaıdy, biraq úlkendigi birjarym ese úlken. Meniń balalarym ony alys saparǵa qatynaıtyn júk kóligine uqsatypty. Basynda men onyń tejegishi isten shyqqan dep oıladym, alaıda sosyn baıqaǵanymdaı júk kóliginiń júrgizýshisi ádeıi adamdardy basý úshin ońǵa solǵa júrgizip keledi eken. Sekirgenniń sebebi kólik astynda qalǵan adamdardyń ústinen júrip otyrǵan. Men bir orynda tapjylmaı turyp qalyppyn. Qudaıǵa shúkir, ulym sol kezde jıenim ekeýimizdi kóliktiń jolynan julyp aldy. Bizdi tek jel soqty", - dep eske túsiredi áıel.
Alydymyzda da artymyzda da zardap shekken kóp boldy deıdi Gúlnar. Kóbiniń janynda týǵan týystary boldy. Áıeldiń uly basqalaryna kómek kórsetý úshin júgirip ketken, al Gúlnardyń ózi jıenin tynyshtaldyrýmen bolǵan. Barlyq jerde aıqaı, sırena jáne jylyp jatqan daýystar.
"Qazirgi kezde qalada qandaı jaǵdaı bolyp jatqandyǵyn aıta almaımyn, sebebi áli úıden shyqqan joqpyz. Úıdiń mańy tynysh. Biraq alystaý jerden sırenalar daýsy estilýde. Qazirgi kezde bizdiń jaǵdaıymyz jaqsy. Alaıda biz qatty eseńgirep qaldyq. Ázirge deıin sol kúıden qaıta almaı otyrmyn. Meniń balalarym tań atqan kezde ǵana uıyqtady. Oıanǵan kezde aýrýhanaǵa baryp qan tapsyramyz. Men uıyqtaı almaı otyrmyn, qatty qobaljýdamyn. Habarlasyp, hat almasýdamyn. Qazir ǵana shelpek pisirdim. Qolymmen mıymdy birdememen aınalysyp, bárin de umytqym keledi", - dep jalǵady Gúlnara.
Endigi kezekte áıel adam Fransıada oqıtyn ulyn Qazaqstanǵa qaıtýyn kóndirýdi oılap otyr. Al, Bastılıany basyp alý kúnin óziniń jáne jıeniniń ekinshi týǵan kúni dep esepteıdi.
