15 shildede Túrkıa premer-mınıstri Bınalı Iyldyrym elde áskerı tóńkerilis áreketi bolǵany týraly málimdeme jasady, - dep habarlaıdy Qamshy.kz Tengrinews.kz -ke silteme jasap.

Bul týraly Rıa Novostı habar taratty.

"Áskerı adamdar toby ózderine berilgen quziret men qarýdy paıdalana otyryp, quqyqqa qaıshy áreket jasamaq boldy... Muny tóńkerilis dep aıtý durys emes shyǵar, biraq qandaı jaǵdaı bolsa da, bizdiń azamattarymyz tynyshtyqta ómir súrýi kerek, biz beıbitshilik pen tártipti saqtaý úshin qoldan kelgendi jasaımyz. Kináli adamdar eń qatal jaza alady", - dep málimdedi túrik úkimetiniń basshysy NTV telearnasynyń efırinde telefon arqyly.

Halyqaralyq agenttikterdiń málimetinshe, Ankarada atystar estilgen, qala ústinde joıǵysh ushaqtar men tikushaqtar ushyp júr, al Ystambuldaǵy áýejaıǵa tankter jetkizilgen. Elde memlekettik telearnalar habar taratýyn toqtatty. Ankarada Facebook jáne Twitter áleýmettik jelileri qulyptaldy.

Sonymen qatar Túrkıa astanasynda áskerı tikushaqtyń ulttyq barlaý qyzmetiniń ǵımaratynyń mańynda oq atqany habarlanyp otyr. Áskerıler Bosfor arqyly kópirlerdi qorshaýǵa aldy. Kýágerler Jelige sýretter men vıdeolardy jarıalap jatyr.