Túrkıadaǵy jaǵdaıǵa aılanysty Qazaqstannan ushatyn barlyq reıs toqtatyldy, - dep habarlaıdy Qamshy.kz Tengrinews.kz -ke silteme jasap.

Bul týraly QR Investısıa jáne damý mınıstrliginiń resmı ókili Qaısar Jumabaıuly habar taratty.

"Túrkıadaǵy jaǵdaıdy bilgenge deıin QR IDM búgin respýblıka qalalarynan Túrkıaǵa ushýy tıi bolǵan barlyq 15 áýe reısin toqtatty: toǵyz reıs otandyq jáne alty reıs sheteldik áýe kompanıasynan. Onyń ishinde Qaraǵandydan Skat áýe kompanıasynyń 06.30-da ushyp ketken reısi bar, ol qaıta ushyp kele jatyr", - dep habarlady Qaısar Jumabaıuly.

Qazaqstannyń týragenttikteri Asosıasıasynyń ókilderi qazaqstandyq týrıserdiń qonaqúıden shyqpaýyn eskertip otyr. "Ankaradaǵy memlekettik tóńkeris áreketine baılanysty tynyshtyq saqtap, qonaqúı terıtorıasynan shyqpaýdy suraımyz, Antalıadaǵy týrıserden suraımyz", - dep habarlady QTAA prezıdenti Asel Núrkebaeva.

Eske salaıyq, 15 shildede Túrkıada áskerıler memlekettik tóńkerilis jasaýǵa árekettendi. Atystar týraly birinshi habar Astana ýaqyty boıynsha 01.00-de jetken. Halyqaralyq agenttikterdiń málimetinshe, Ankarada atystar estilgen, qala ústinde joıǵysh ushaqtar men tikushaqtar ushyp júr, al Ystambuldaǵy áýejaıǵa tankter jetkizilgen. Elde memlekettik telearnaral habar taratýyn toqtatty. Ankarada Facebook jáne Twitter áleýmettik jelileri qulyptaldy.