Nıssadaǵy terakti kezinde qazaq bolǵandardyń biri Belgıaǵa qonys aýdarǵan Qazaqstan azamaty Natalá Otto ekeni belgili boldy, - dep habarlaıdy Qamshy.kz Nur.kz - ke silteme jasap.

Bul týraly "Moskovskıı komsomoles" basylymy jazǵan.

Basylymnyń habarlaýynsha, qaza bolǵandardyń arasynda onyń jubaıy Romanda bolýy múmkin.

"Natalányń máıiti tabyldy. Alaıda onyń kúıeýi Roman ne tirilerdiń ne qaza bolǵandardyń arasynda joq. Jubaılardyń artynda 16 jastaǵy qyzy qaldy", - dep jazady basylym.

Antverpende Natalá Otto kishkentaı balalarǵa arnalǵan orys mektebine basshylyq etken.

"Natalá Dmıtrıevna keremet ustaz bolatyn jáne shyǵarmashylyqty jany súıetin. Ol shirkeý janynda búldirshinderge arnap orys mektebin uıymdastyryp, únemi ýaqytyn balalarmen ótkizetin. Ony barlyǵy jaqsy kóretin. Biz oǵan ne bolǵanyn estigende tipti eseńgirep qaldyq", - deıdi basylymǵa belgıalyq qalashyqtaǵy orys shirkeýiniń basshysy Dmıtrıı Sızonenko.

Sol arada RIA Novostı-ge bergen suhbatynda Dmıtrıı Sızonenko Natalányń Qazaqstan azamaty ekenin aıtty.

"Onyń belgıalyq azmattyǵy joq. Ol - Qazaqstan azamaty", - deıdi Dmıtrıı Sızonenko.

Sonymen qatar Belgıanyń Syrtqy İster mınıstrligi boljam boıynsha, Qazaqstan azamatynyń Nıssada qaza bolǵanyn aıtqan.

Esterińizge sala keteıik, beısenbi kúni Nıssada keshkisin Fransıanyń ulttyq merekesi — Bastılıany alǵan kúndi atap ótý kezinde ot shashýdy baqylap turǵan bir top adamǵa júk kóligi soǵylyp, adamdar arasymen júz metrdeı júrip ótken. Osydan keıin kólik tizgindegen terrorıster adamdarǵa oq jaýdyrǵan. Sońǵy málimet boıynsha, qandy oqıǵadan kem degende 80-nen astam adam qaza tapty.