Astanadaǵy ana men bala ortalyǵynda úlken janjal! «Iegova kýágerleri» uıymynyń beldi múshesi, jalǵyzbasty ana Almatydan búıregine qan jetpeı hál ústinde jetkizilgen qyzyna qan quıdyrýǵa qarsylyq tanytyp jatyr. Sóıtip, óz dininen jeringen qazaq kelinsheginiń qylyǵy balanyń ómirine qaýip tóndirýde, - dep habarlaıdy Qamshy.kz KTK arnasyna silteme jasap.
Qyzyna qan quıdyrǵysy kelmeı ortalyqty basyna kóterip júrgen ana qyzy qannan aýrý juqtyryp alady dep qorqady. Arnaıy medısınalyq bilimi joq bolsa da, 4 kúnnen beri dárigerlerdi jolatpaı tegerýindi qarsylyq kórsetýde.
Osy kezde onsyz da bir búıregi joq 11 jasar Daıananyń gemoglobıni tómendep, ólim men ómirdiń ortasynda jatyr. Áıeldi raıynan qaıtara almaǵan Ana men bala ortalyǵynyń basshylyǵy polısıa, prokýratýra jáne bala quqyǵyn qorǵaý komıtetine aryz bergen.
Bir qyzyǵy, qoldaý kórsetý úshin «Iegova kýágerleri» uıymynyń músheleri ortalyqqa kelip, qan quıdyrmaýǵa jantalasyp júr.
Qazir sheneýnikter balasynyń ómirin qaýip-qaterge tikken anany sotqa berip, analyq quqyǵynan aıyrmaq oıda. Alaıda dininen adasqan Jámıla Bólenova alǵan betinen qaıtar emes.
-Iá, men «Iegova» kýágerimin. «Iegova» maǵan ana retinde úlken jaýapkershilik júkteıdi. Bıblıada qan quıdyrýǵa qatysty shekteý joq. Biraq qan arqyly aýrý juqtyryp almaıtynymyzǵa eshkim kepildik bere otyr ǵoı, - deıdi Jámılá Bólenova.
