Almatyda atys bolyp, Almaly aýdandyq İİB mańy qorshaýǵa alyndy, - dep habarlaıdy Qamshy.kz Tengrinews.kz -ke silteme jasap.

Kýágerlerdiń aıtýynsha, Nıkolskıı bazarynyń aýmaǵynda atys bolyp jatyr. Bul jerde aýdandyq polısıa basqarmasy ornalasqan. Sonymen qatar, kýágerler kórshi ǵımarattardaǵy adamdardy keńselerinen shyǵarmaı otyr eken.

Taıaý mańda ornalasqan keńsedegilerdiń aıtýynsha, 10 ret oq atylǵan. "Bastapqyda tapanshamen bir-birden oq atyldy, keıin jyldam atyla bastady. Belgisiz bireý qolyna avtomat ustap alyp, Baıtursynov kóshesiniń boıymen júgirip ótti, keıin artynan polıseıler qýdy", - deıdi olar.

Qazirgi ýaqytta bul mańda barlyq kólik keri qaıtyp jatyr. Jol jıegin kólikterden tazartý jumysy júrip jatyr. 

Sondaı-aq, Almatyda UQK Departamentiniń ǵımaraty qorshaýǵa alyndy.

Kýágerlerdiń aıtýynsha, jedel járdem men polısıa ǵımarat aldyna kelip tur, jaraqat alǵandar týraly habarlanyp otyr.