Qazaqstandyq telearnalar jabyq, - dep habarlaıdy Qamshy.kz. Jurt «sáláfıtterden» qaýiptenýde...

Almatynyń birneshe jerinde atys bolyp jatyr. Gogol men Seıfýllın, Abaı men Baızaqov, Baıtursynov pen Qarasaı batyr kósheleriniń qıylysynda qolyna qarý alǵan adamdar beıbit turǵyndar men polıseılerge oq jaýdyrdy delingen vıdeo, fotolar vasapta taralýda. Almaty qalalyq İİD qalada terrorlyq qaýiptiń qyzyl deńgeıi engizilgenin habarlady.

Dál qazir Qazaqstandyq telearnalardyń barlyǵy derlik jabyq. Jurt alańdaýly. Terrorıster kim? Olar ne úshin qarý alyp kóshede júr? Qandaı maqsatty kózdeıdi? Bul suraqtardyń jaýaby joq. Qarapaıym halyq elimizde «tejeýsiz» ketken «salafızm» men «ýahabızm» aǵymdarynyń ókilderinen kúdiktenýde. Mundaı qaýip buryn da aıtylǵan, qazirde aıtylýda. Eger der ýaqytynda toqtaý salynbasa erteńgi kúnimizdiń árbir tańy da qorqynyshpen atary sózsiz. Óıtkeni olar az emes. Kez kelgen ýaqytta memlekettiń irgesin shaıqaltýǵa, tynyshtyǵyn buzýǵa «dap-daıyn». Beıresmı derekkózderi «sáláfızm» ókilderi elimizdiń kúshtik qurlymdary men bılik oryndarynda tizgindep alǵanyn aıtady.