Eger 100 % kiristi turǵyn úıge arnasa, onda sharshy metrin 8 jylda satyp alýǵa bolady, - dep habarlaıdy Qamshy.kz. 

Elimizdiń óńirlerinde  jyljymaıtyn múlikke belsendi turǵyndar eki bas qalalardan múddeli. «Krysha» statısıkasynyń málimetinshe,  Astana, Shymkent, Taraz, Aqtóbe, Atyraý jáne Taldyqorǵan qalasynyń satyp alýshylary páterdi Almaty qalasynan jıi izdeıdi.  Al Astanadan Qyzylorda, Qaraǵandy, Almaty, Óskemen jáne Atyraý qalasynyń satyp alýshylary izdeıdi eken.

«Krysha» bul statısıkany QR statısıka Komıtetiniń 2016 jylǵy İİ toqsanyndaǵy ortasha jalaqyǵa qarap, elimizdiń ártúrli aımaǵyndaǵy turǵyndar Almaty men Astanadan jyljymaıtyn múlikti qansha jylda ala alatynyn eseptep keltiredi.

Eger osy aımaqtardaǵy páterdiń quny shamamen 14,2 mln teńge (ortasha ındekspen bir sharshy metri 355,2 myń teńge) dep alsaq, onda, tabystyń 100 % - yn tek qana turǵyn úıge quıyp otyrsa, 8 jyldan soń ala alady eken.

Respýblıkanyń negizgi qarjy-ekonomıkalyq ortalyǵy Atyraý men Mańǵystaý oblysynyń turǵyndaryna jyljymaıtyn múlik qoljetimdi bolady. Sáıkesinshe, bul aımaqtarda ortasha jalaqy 237-265 myń teńge aralyǵynda. Olardyń jyljymaıtyn múlik qarjysyn 4,5-5 jylda jınaýǵa múmkindigi bar.

Astana men Almaty turǵyndary 187-205 myń teńge jalaqy alsa,  5,8 jáne 6,3 jylda turǵyn úıge qol jetkizedi eken.

Al ózge aımaqtarda ortasha eseppen 8 jyldan astam ýaqyt qajet. Atap aıtqanda, Almaty jáne Aqmola oblysynyń (11-11,2 jyl) turǵyndary ekeni anyqtalǵan.  Al OQO jáne SQO turǵyndary 11,5 jylda alsa, Jambyldyq satyp alýshylarǵa kem degende 12 jyl qajet bolady eken.

Eger aı saıyn shyǵatyn barlyq shyǵyndardy, onyń ishinde azyq-túlik, komýnaldyq qyzmet aqysy, jolaqy, dári-dármek t.b eskersek, onda jyjymaıtyn múlikke jınaqtaıtyn qarajat merzimi uzara túsedi. Teorıalyq turǵydan alyp qaraǵanda, kóptegen aımaqtardyń turǵyndary úshin turǵyn úıge aqsha jınaqtaý 30 jyldan asyp túsedi. Iaǵnı adam bir páterge qol jetkizý úshin eńbekke jaramdy barlyq jylyn arnaýyna týra keledi.