Qala basshysy laýazymyna 21 adam úmitker bolǵan. Olardyń arasynan burynǵy Qorǵanys mınıstri Iýrıko Koıke 2 mıllıon 912 tysách daýys jınap, basyp ozdy. «NHK» taratqan aqparatqa súıensek, saılaýǵa qatysýshylardyń sany 59,73 paıyzǵa jetken. Bul 2014 jylǵy kórsetkishpen salystyrǵanda joǵary. Iýrıko Koıkeniń basty qarsylastary burynǵy jalpyulttyq ister jónindegi mınıstr Hıroıa Masýda men telejúrgizýshi jýrnalıs Súntaro Torıgoe. Olar 1,93 mıllıon jáne 1,35 mıllıon daýys jınaǵan.
Tokıo meri 2011 jyldan beri tórtinshi ret ózgerip otyr. Sońǵy eki basshy qarjylyq daýdan keıin qyzmetterinen ketken. Aqparat quraldarynda Tokıonyń jýyrda qyzmetinen ketken burynǵy basshysy Ioıchı Masýdzoe qyzmettik kólikti óz maqsatyna paıdalanǵany týraly maqalalar shyqqannan keıin ornyn bosatqan. Jurt qala merin qyzmettik kólikti dachasyna minip barǵany úshin sókken. Sondaı-aq burynǵy basshynyń otbasymen demalysqa saıası qor qarajatyn paıdalanǵandyǵy týraly da jazylǵan.
Saılaýdaǵy jeńisinen keıin alǵashqy resmı málimdeme jasaǵan Iýrıko Koıke qala ákimshiligin reformalaıtynyn jáne balalarǵa kúndiz qaraıtyn mekemeler men qarıalardy baǵýǵa arnalǵan mekemelerdiń azdyǵy máselesin sheshkisi keletinin aıtty.
Sharafat Jylqybaeva
