«Ýkraınanyń ortalyǵyndaǵy Poltavskaıa oblysynda saqtardyń otyzǵa jýyq altyn buıymy tabyldy» dep habarlaıdy, «Poltavshına» basylymy. Harkov arheologtary oblystaǵy Kotelevskıı aýdanyna jatatyn Belskoe qalashyǵynan Saq dáýirine jatatyn altyn zattardy tapqan. Saq qorǵanynan taýeshki beınesindegi, áıel áshekeıi túrindegi altyn zattarmen qatar altyn ıneler de shyqqan.

Belskoe qalashyǵy erte zamanda Gelon dep atalypty. Arheologtar bul óńirdi zertteýdi 110 jyl buryn bastaǵan eken. Osy ýaqyt ishinde Saq dáýirine tıesili osynsha mol altyn buıym buryn-sońdy kózge shalynbaǵan. Bıyl arnaıy qazba jumystary kezinde bir ǵana qorǵannan osynsha kóp altyn buıymnyń shyqqanyna ǵalymdardyń ózderi tańdanypty. Ýkraına ǵalymdary buǵan deıin bul qorǵan birneshe ret tonalsa da qazba júrgizý barysynda topyraqpen birge kóp altyn buıymdardyń saýyldap tógilgenin aıtady. Mamandar Ýkraınadan  tabylǵan Saq jádigerlerin zertteýge kiristi.

Dana Qamshybek