Óskemen İİB krımınaldyq polısıa qyzmetkerleri telefon arqyly alaıaqtyq jasaǵan kúdiktiniń 29 jastaǵy Pavlodar turǵyny ekenin anyqtady, - dep habarlaıdy Qamshy.kz QazAqparatqa silteme jasap.

Jas jigit Óskemen turǵyndarynyń úı telefonyna habarlasyp, olardyń jaqyn týysy esirtki saqtaǵany úshin, jol apaty nemese buzaqylyq úshin polısıaǵa ustaldy dep aıtqan jáne máseleni tez sheship berý úshin aqsha talap etken. Máselen, oblys ortalyǵynyń 67 jastaǵy turǵynynan 100 myń teńge jymqyrǵan. Al 68 jastaǵy taǵy bir turǵyn 60 myń teńgesin bergen.

Polısıanyń habarlaýynsha, qazir kúdiktiniń eki alaıaqtyqqa qatysy bary anyqtaldy. Biraq, ol jasaǵan quqyq buzýshylyqtar budan da kóp bolýy múmkin dep boljanyp otyr.

«Alaıaq» ýaqytsha ustaý abaqtysynva  qamaldy, alaıaqtyq faktisi boıynsha tergeý júrgizilýde. Onyń basqa da osyndaı qlymystarǵa qatysy bar-joǵy anyqtalýda.

Polısıa qyzmetkerleri aımaq turǵyndaryna saq bolýdy jáne osyndaı qońyraýlar tússe, shuǵyl túrde polısıaǵa habar berýdi ótindi.