AQSH prezıdenttiginen basty úmitkerdiń biri Donald Tramptyń karerasyna áıelderdiń yqpaly boldy ma? «Komsomolskaıa pravda» basylymynyń jýrnalıseri Konstantın Zelenov pen Edvard Chesnokov ataqty mıllıarderdiń ómirinde úlken ról atqarǵan áıelder ómirin zerttegen eken.
Jetpiske aıaq basqan Donald Tramptyń nekeli úsh áıelmen nekeleskenin jurttyń bári bile bermeıdi. Úsh áıeldiń ekeýi slaván tekti. Olardan bes bala, segiz nemere súıip otyr. Tramptyń basqa da sulýlyq baıqaýynyń qatysýshylarymen dostyǵy bar. AQSH mıllıarderi «AQSH arýy», «Jahan arýy» tárizdi baıqaýlardyń uıymdastyrýshysy retinde belgili.
Prezıdent taǵynan úmitkerdiń alǵashqy áıeli Ivana Zelnıchkova, 67 jasta. Ol Tramppen 15 jyl birge turǵan (1977-1992). Qyzynan týǵan eki jıeni bar. Ivana Zelnıchkova Chehoslovakıada týyp ósken. 1970 jyldary Kanadaǵa qonys aýdaryp, keıin AQSH-qa kóshken. Ol Nú-Iorkte top-model bola júrip Tramppen tanysqan. Ivana Zelnıchkova Tramptyń bızneste tasynyń órge domalaýyna yqpal etken birden bir áıel. Kúıeýi ózinen on bes jas kishi Marla Meıplspen kezdese bastaǵanda ajyrasady. Bul 1990 jyldar edi.
Búginde 52 –ge tolyp otyrǵan Marla Meıpls Tramppen alty jyl birge turǵan. (1993-1999). Bir qyzy bar. Ekeýiniń Nú-Iorktegi ataqty otelde ótken úılený toıyna myńnan astam adam kelgen. Marla kúıeýimen ajyrasqannan keıin ol týraly «jyltyraǵannyń bári altyn emes» degen eken.
Ataqty baıdyń budan keıingi áıeli Melanıa Knaýss, 46 jasta. On bir jyl bolypty úılengenderine. AQSH-taǵy áıgili model Tramptan bir ul týǵan. Melanıa Knaýss da slaván tekti. Ol Iýgoslavıadan shyqqan komýnısiń qyzy. 18 jasynda model bolyp jumys isteý úshin Batysqa kóship barǵan. 26 jasynda Nú-Iorktegi joǵary sán aptalyǵynda Tramppen tanysqan. Biraq Melanıa Trampqa 35 jasynda turmysqa shyqqan (alǵash tanysqan kezinde Tramp ekinshi áıelimen ajyraspaǵan bolatyn). Ekeýiniń úılený toıyna Tramptyń qazirgi saılaý aldy naýqandaǵy basty qarsylasy Hılları Klınton qatysqan. Melanıa Knaýsstyń jýrnal muqabalaryna túsken jalańash sýretteri amerıkandyqtar arasynda qyzý talqylanýda.
Jýrnalıser, sondaı-aq Tramptyń áıgili Dıana Spenserge de ǵashyq bolǵany týraly jazady. Kara Iang esimdi Kalıfornıa arýy da jýrnal muqabalarynda sýretin jarıalap júrip, Tramptyń kózine túsken. Biraq ekeýiniń dostyǵy uzaqqa sozylmaǵan kórinedi. Tramp ıtalo-fransýzdyq aqyn Karla Brýnımen de dostasqan kórinedi. Ol Fransıa prezıdenti Nıkolá Sarkozıdiń úshinshi áıeli desedi. Sarapshylar ataqty mıllıarderdiń áıelqumarlyǵy onyń saılaý aldy naýqanyna áser etýi múmkin deıdi.
Ázirlegen Dana Qamshybek
