Búgin, 5 tamyz kúni eki jaqty kelissózder nátıjesi boıynsha ótkizilgen baspasóz konferensıasynda túrik jýrnalıseriniń saýalyna oraı Elbasy Nursultan Nazarbaev Qazaqstandaǵy túrik lıseıleriniń jumysyn Qazaqstan men Túrkıa bilim berý mınıstrlikteri mamandarynan qurylǵan birlesken jumys toby tekseretinin málimdedi. KTL – 100 paıyz Qazaqstan menshigindegi mektepter. Soǵan qaramastan bul mektepterdi Túrkıanyń tekserýine jol bolsyn?!
QR Prezıdenti túrik áriptesiniń kóńilin qaldyrǵysy kelmegen bolý kerek. Biraq, mundaı áreket ekinshi bir memlekettiń ishki isine qol suǵý bolyp tabylady. Óz basyma múlde unaǵan joq. Bul ne sonda? Qazaqstandaǵy túrik mektepterin Erdoǵan tekserse, orys mektepterin Pýtın tekserse, ózbek mektepterin I.Kárimov tekserse, uıǵyr mektepterin Sı Szınpın tekserse, bizdiń elimizdiń Táýelsizdigi qaıda qalady?
Erteńgi kúni Erdoǵan ózine unamaıtyn birdeme taýyp alyp bizdiń mektepterdiń baǵdarlamasyn ózgert dese nemese ana muǵalimdi jumystan shyǵar dese ne deımiz? Sóz joq, biz Túrkıany jaqsy kóremiz. Biraq, óz elindegi bylyqtaryn bylaı qoıǵanda Erdoǵannyń júgensizdigi týysqan elderdiń qarym-qatynasyna oıysyp bara jatqany oılantady.
Marat Toqashbaevtyń Feısbýktegi paraqshasynan alyndy
