Qazir Qazaqtanda daýly másele QTL bolyp otyr. Túrkıa Prezıdenti Erdoǵan «olar qaýipti, jaýyp tastaý kerek» dese, Qazaqstan jaǵy «ol mektepter bizge kerek, sapaly bilim beredi, onyń túlekteri halyqaralyq olımpıadalarda medaldardy kóptep alýda. Jáne muǵalimdary 90 paıyz qazaq, sondyqtan jappaımyz» deıdi. Bul durys kózqaras. Túrkıa basqa el, Qazaqstan basqa el. Sonson eki eldiń jaǵdaılary da ózgeshe. Rasynda da bul mektepterdiń bergen bilim jáne ǵylymyna aıtar joq. 

Eger, bul mektepter taza ǵylym men bilim berip jatsa edi, onda olarda eshkimnin sharýasy bolmas edi. Biraq, sol mektepterdegi balalarǵa, ertengi ýaqytta mektepti bitirip sot, armıa jáne úkimet syndy bılik oryndaryna kóterilgende, Gúlenge qul bolý, sonyń aıtqanyn buljytpaı oryndaý jaıynda úgit nasıhat berilip jatsa, onda ol qaýipti.

Bul 15 shilde kúni Túrkıada boldy. Oǵan deıin árkim, eń basta opozısıadaǵy partıalar bolyp Erdoǵandy Gúlenge orynsyz shúıligip jatqany týraly kinálaǵan edi. Biraq munyń shyndyq ekeni 15 shilde kúni belgili boldy. Onyń negizgi uıymdastyrýshy jáne oryndaýshylarynyń Gúlen men Gúlen mektepteriniń túlekteri ekenine opozısıanyń da, basqalardyń da kózi jetip otyr.

Endi múmkin Gúlen mektepteri mundaı bir adamǵa qulshylyq etýdi tek Túrkıadaǵy, ıaǵnı óz elinde qana úgittep, ózge elderde taza ǵylym jane bilimmen shuǵyldanyp jatqan shyǵar. Muny óz basym men bilmeımin, kóp adam da bilmeıtin shyǵar. Mine Elbasynyn keshe Ankarada aıtqany osy edi. «Muny tekseremiz, eger ondaı bar bolyp jatsa, tıisti sharalardy kóremiz» dedi. Keshe Anqarada, Elbasy QTL tekseremiz degende, osy máseleni aıtpaq bolǵan. Tilegimiz ondaı jeke basqa tabynýshylyqqa úgitteıtin maqsat, QTL-inde bolmasyn, Qazaqstan tóńkeristik áreketterden aman jáne tynysh bolsyn!

Ábdiýaqap Qara

Mımar Sınan Kórkem Óner Ýnıversıtetiniń profesory, tarıh ǵylymynyń doktory