Qashqyn bankır búgingi tańǵa deıin bankke $4,8 mlrd qaryz bolǵan
2014 jylǵy qańtardyń 1-nen 2016 jyldaǵy shilde aıynyń 1 aralyǵynda BTA Bankiniń Dırektorlar keńesi basshysy Keńes Raqyshevtyń tikeleı basshylyǵymen Muhtar Áblázovtyń 1,4 mlrd aktıvi qaıtaryldy, - dep habarlaıdy Qamshy.kz Kapital.kz-ke silteme jasaı otyryp.
BTA tobyna basshylyqqa Keńes Raqyshev kelgeli beri aktıvterdiń qaıtarylýy eselenýde. Anglıa jáne Ýelstiń joǵarǵy soty, Reseı Federasıasy men Ýkraına, Qazaqstan Respýblıkasynyń joǵarǵy sotynyń sheshimimen qarajatty qolma- qol qaıtarý túrinde, BTA balansyna múlikterdi qabyldaý, úles konsolıdasıasy, BTA paıdasyna jarǵylyq kapıtaldy qaıtarý júzege asyryldy. Biraq, aǵylshyn sotynyń Ábilázovqa BTA-ǵa qaıtarý jóninde paıyzdyq ósimmen mindettegen somasy 4,8 mlrd dollardy», -quraıdy dep habarlanady.
Bank talaptary men sheshimderi:
Ulybrıtanıa
- 2015 jyl maýsymnyń 17. Anglıanyń joǵarǵy soty Muhtar Áblázov pen İlıas Hrapýnovqa tikeleı nemese janama qatysty barlyq aktıvterdiń barlyǵyn buǵattaýǵa sheshim shyǵarǵan. 2016 jyldyń 23-shi naýryzynda Anglıa men Ýelstiń Komersıalyq soty İlıas Hrapýnovty ózi jáne Muhtar Áblázovtyń atynan basqaratyn aktıvter jaıly barlyq málimetterdi eshqandaı jalǵan aqparatsyz berýge jáne Bank shyǵyndaryn tóleýge mindettedi;
- 2016 jyldyń 17-shi maýsymynda magıstrler Soty bank aktıvterin urlaýdy basqarǵan senimdi adam I.Agravalǵa qatysty aqparatty ashý jaıly Buıryq shyǵardy.
Buıryqqa Saı I. Agraval 2012 jyldyń qarasha aıynan bastap 2016 jyldyń 29-shy maýsymyna deıin Áblázov basqarǵan aktıvterge qatysty kelisimder týraly barlyq kerekti aqparattardy berýi tıis.
AQSH:
- Nú-Iork q. okrýgti soty (ary qaraı - Sot) Almaty q. Ákimdiginiń İlıas Hrapýnov, Vıktor Hrapýnov jáne Muhtar Áblázovqa qatysty BTA bankine jaýapker retinde jáne BTA Bankiniń sot prosesine qatysýy týraly ótinishin qanaǵattandyrdy. Triadou ( AQSH-taǵy M.Áblázov pen I. Hrapýnovqa qatysty baqylaýdaǵy zańdy tulǵa) Nyıý-Iork q. Sotyna jatpaýshylyǵy qabyldanbady.
Sot bank jáne Almaty q. Ákimshiliginiń argýmentterin qabyl aldy (ary qaraı –Qazaqstandyq tarap), bóten múlikti ıelený «Uıymdasqan qylmys» zańy boıynsha jaýapkerlerge bul prosesti federaldy zań aıasynda jyldamdatýǵa múmkindik beredi. Osyǵan baılanysty Sot Qazaqstandyq taraptyń qamtý sharalary týraly ótinishin qabyl alyp, esepshotty buǵattaý týraly sheshim merzimin uzartty.
AQSH-tyń prosesti zańy boıynsha ary qaraı aqparatty ashý prosedýrasy júzege asady, ıaǵnı AQSH terıtorıasynan keshendi proses arqyly Muhtar Áblázov jáne İlıas Hrapýnov urlaǵan aqshalardy ońtaıly dınamıkada qaıtarý múmkin bolady. Qylmyskerlerdiń aqparatty aıtýy negizgi kúsh bolmaq, osy arqyly qazir BTA bile almaı otyrǵan málimetterdi alyp, olardyń aktıvterin buǵattaı alady.
