«Kari» kıim-keshek dúkenindegi aýdarmalar jurttyń jaǵasyn ustatty. Atalǵan taýar belgisindegi aýdarma boıynsha «Áıelder qorqaqtar»  al,  erkekter «atalyqtar» eken.  Mundaǵy taýarlardyń qazaqsha aýdarmasynan kóz súrinedi, tipti ulttyń namysyn da qorlaıdy. Biraq, dúkenniń basshylyǵy aýdarmadan esh qymsynbaıdy, - dep habarlaıdy Qamshy.kz 31-arnaǵa silteme jasap.

«Týfláler atalyq», «shylpyldaqtar bala», «qyz balalar úshin sandaldar bala», «Shálkeler atalyq» «qorqaqtar áıelder». Tize bersek,  jetip artylady. Bul Taldyqorǵan qalasyndaǵy «Kari» kıim-keshek núktesindegi taýardyń qazaq tilindegi aýdarmalary. Mundaǵy qazaq tilindegi sózderdi oqý úshin tildi burmalaý óz aldynda, maǵynasyn da túsiný óte qıyn,- deıdi turǵyndar.

ÁLIA,  Taldyqorǵan qalasynyń turǵyny:

- Eshqandaı maǵynasy joq. Tilimizdi mazaq qylǵan sıaqty ǵoı bizdiń. Memlekettik tilimizdi aıaqqa basý dep esepteımin. Sondyqtan mundaı qatelikterge jol bermeýimiz kerek. Kúresýimiz kerek.  

OLJAS,  Taldyqorǵan qalasynyń turǵyny:  

- Atalyq degen qazaqshaǵa jatpaıdy ǵoı. Atalyq degen uryq berýshi degen maǵynasynda aıtylǵan nárse. Qazirgi tańda qazaqsha aýdarmalardy qazaqshany bilmeıtin adamdar jasaıdy. Reklamnyı agenstvalardy alatyn bolsaq. Tikeleı aýdarma.  Kompúternyı perevod qoı.

Bir ókinishtisi saýda núktesiniń basshylyǵy taýarlardaǵy órip júrgen qatege, maǵynasyz aýdarmaǵa esh qymsynbaıdy eken. Al óreskel qatelikterdi óriske mal jaıǵandaı órgizip qoıǵan «Kari» saýda dúkenindegiler arnaıy aýdarma qyzmetine júgingenderin jetkizdi.

DENIS PICHÝJKIN, «Kari» dúkeniniń óńirlik fılıal dırektory: 

- Nam perevod delaet búro perevodov v Almate. Ýnas vse perevody pravılnye.

- Vse pravılnye, da?

- Vse pravılnye.

SAMAL QABYSHEVA,  tilshi:

- Qazir aýdarma jasaýdyń eń ońaı joly osy. Ǵalamtorǵa jaza salasyń. Arnaıy baǵdarlama saǵan aýdaryp beredi. Mysaly, áıelderdiń ish kıimin gýgl aýdarmashy bylaı aýdardy. Biraq onyń durys, qate ekenin tekserip jatqan eshkim joq. Til janashyrlary osyǵan da erekshe mán berse.