Qazaqstandyq aýyr atlet Ilá Ilınnyń London Olımpıadasynda jeńip alǵan altyn medali besinshi oryn alǵan ırandyq Saed Mohammadpýrýǵa buıyrýy múmkin, - dep habarlaıdy Qamshy.kz 24.kz - ke silteme jasap.

Jaqynda Halyqaralyq aýyr atletıka Federasıasy (IWF) 2012 jyly ótken London Olımpıadasynda qola medaldy ıelengen moldovıalyq Anatolıı Kyryktan dopıng tabylǵanyn habarlaǵan bolatyn.

Osyǵan deıin London Olımpıadasynyń chempıony Ilá Ilın men ekinshi oryn alǵan reseılik Aleksandr Ivanovtan da dopıng tabylǵany málim boldy. Barlyq aýyr atletter ýaqytsha jarystardan shettetildi. Olarǵa qatysty sheshim áli shyqqan joq. Biraq medaldarynan aıyrý múmkindigi mol. Basqa aýyr atletterge osyǵan deıin dál sondaı qatań jaza qoldanylǵan bolatyn.

Eger bul sheshim qabyldansa, Ilányń altyn medali besinshi oryn alǵan ırandyq Saed Mohammadpýrýǵa buıyrady. Al, segizinshi oryn alǵan koreıalyq Kım Mın Dje kúmis júldeger atansa, toǵyzynshy oryn alǵan polshalyq Tomash Zelınskıı qola júldeni qanjyǵaǵa baılaıdy.