Astananyń qurylys alańynda taǵy qaıǵyly oqıǵa! Bul joly eki stýdent 20-shy qabattan qulap, sol jerde jan tapsyrdy,-dep habarlaıdy Qamshy.kz KTK arnasyna silteme jasap.
Oqys oqıǵa Esildiń sol jaǵalaýynda jańadan salynyp jatqan myna kóp qabatty turǵyn úıde bolǵan. Eki jigit joǵaryda balkon syrtyn árlep jatqan kezde temir tireýler synyp ketipti. Marqumnyń ekeýi de Astanadaǵy joǵarǵy oqý oryndarynyń biriniń 19 jastaǵy ekinshi kýrs stýdentteri. Sabaq kezinde olardyń qalaısha qurylys alańynda júrgeni de belgisiz. Al, qaıǵyly jaǵdaıǵa baılanysty «Eńbek tártibi saqtalmaǵan» degen bap boıynsha sotqa deıingi tergeý júrip jatyr. Jalpy Elordada qurylys alańynda kisi ólimi jıi bolady. Munda byltyrdan beri 9 adam bıiktikten qulap qaza tapqan.
