QR Premer-Mınıstriniń orynbasary – Aýyl sharýashylyǵy mınıstri A.Myrzahmetov selektorlyq rejımde Shyǵys Qazaqstan oblysy aýyl sharýashylyǵy salasynyń jaı-kúıi men problemalyq máselelerin qarady, - dep habarlaıdy Qamshy.kz ASHM baspasóz qyzmetine silteme jasap.
Vedomstvanyń basshylyq quramymen birge osymen segizinshi óńirdiń agrarlyq damý áleýetterin tarazylaǵan mınıstr kópshilik suraýyna oraı jaıylymdyq mal sharýashylyǵy mamandaryn yntalandyra túsý úshin jumys ótiline qaraı búdjet esebinen tólem qarastyrý men olarǵa turǵyn úı salý, sondaı-aq, arnaıy jáne joǵary JOO-da balalaryna granttar bólý máselelerin sóz etti.
«Jaıylymdyq mal sharýashylyǵy, onyń ishinde, qoı sharýashylyǵy eldi mekenderden jyraqta, tıisti áleýmettik-turmystyq sharttarsyz, qıyn jaǵdaıda júrgiziledi. Sondyqtan da, bul salany kadrmen qamtý jáne irikteý máselesi ótkir tur. Óz kezeginde, bizdiń Mınıstrlik ahýaldy ońǵaratyn barlyq bastamalardy qoldaıdy jáne túıtkildi Densaýlyq saqtaý jáne áleýmettik damý mınıstrligimen birlesip sheshetin bolady», - dep atap ótti A.Myrzahmetov.
Bul oraıda, oblystaǵy aýyl sharýashylyǵy ónimderine qosylǵan qun salyǵy máselesi de qozǵaldy.
Aımaq ókilderiniń málimdeýinshe, qazirgi ýaqytta óndiris kólemin saqtaý men tamaq ónimderin satý úshin 50% sheginde QQS (12%) tómendetý nemese mólsherlemesin 6%-ǵa deıin jetkizý kerek.
Alaıda, aýyl sharýashylyǵy ókilderi salyq salý máselesiniń Ulttyq ekonomıka mınıstrliginiń Salyqtyq-keden kodeksi jumys tobynyń otyrysy aıasynda qaralatynyn atap ótti. Soǵan qaramastan, Mınıstrlik barsha quzyrly organdarǵa saýal joldap, suraý salatyn bolady.
Sonymen qatar, qatysýshylar búdjet qarajatyn jalpy sıpattaǵy transferttik baǵdarlamalar aıasynda qoldanýdy jetildirýdiń joldaryn talqyǵa salyp, birqatar ortaq sheshimderge keldi jáne jaýapty sala jetekshileriSHQO aýyl sharýashylyǵy qurylymdary túzgen máseleler tizbesi boıynsha mınıstrden tapsyrmalar aldy.
Aıta keteıik, jıynǵa Aýyl sharýashylyǵynyń vıse-mınıstrleri men vedomstvalyq komıtetter men departamentter basshylary, SHQO ákiminiń orynbasary men aýyl sharýashylyǵy qurylymdarynyń qyzmetkerleri jáne de «QazAgro» Ulttyq basqarýshy holdıńi» AQ enshiles uıymdarynyń ókilderi qatysty.
