Búgin májiliste aqylǵa syıymsyz zań jobasy qaraldy. Depýtattar kolektorlyq qyzmet týraly qujatqa osyndaı baǵa berdi. Zańǵa ózgertýler men tolyqtyrýlar engizýge qatysty jumys tobynyń otyrysy qyzý talqylaýmen ótti, - dep habarlaıdy Qamshy.kz 31-arnaǵa silteme jasap.
- Bank ne polýchaet 100 prosentov. On soglasen 50 prosentov kredıta otdat kolektorskoı kompanıı, tolko dlá togo chtoby eta kolektorskaıa kompanıa poshla ı vybıla etı dolgı. Logıka gde?!
Banktiń ala almaı júrgen nesıesiniń jartysyn óndirip berýshi kolektorge tóleıtinin túsine almaımyn dep ashynǵan depýtat, odan da boryshkerge sol 50 paıyzyn keshire salmaımyz ba dedi. Sondaı-aq Zaǵıpa Balıeva jasóspirim balasy bar otbasylardyń qaryzyn kolektorlar arqyly óndirip alýǵa jol bermeýdi usyndy.
Osylaısha, óskeleń urpaqty áleýmettik problemalardyń kóbinen alshaq ustaımyz deıdi. Budan bólek, jumys tobyna qatysýshylar kóp balaly analar men 3-shi toptaǵy múgedekterge de jeńildik qarastyrý kerek dep otyr. Tipti, Qazaqstanda jeke tulǵalardyń bankrottyǵy týraly zań jobasy bolmaǵandyqtan, kolektorlyq qyzmetke tyıym salý kerek degender de boldy. Jańa qujatty daıyndaýshylar, zań joq bolsa da kolektorlar qyzmet ete beretinin alǵa tartady.
OLEG SMOLÁKOV, QR Ulttyq banki tóraǵasynyń orynbasary:
- Qazirgi kezde azamattar kolektorlyq qyzmetti qoqan-loqqymen aqsha tabatyn reket sıaqty qabyldaıdy. Bul zań kolektorlyq qyzmetti qorǵaý úshin emes, olardyń boryshkermen qarym-qatynasyn retteý jáne júıeleýge baǵyttalǵan. Búgin aıtylǵan usynys-pikirlerdi jumys tobynda eskeretin bolamyz.
