«Ádemi-Aı» ulttyq kádesyılar jelisi «Etno dızaın qazaq 2030» birlestigimen birigip, Almaty qalasy ákimdiginiń, «Elbasy» Tuńǵysh Prezıdent qorynyń qoldaýymen «Kádesyı – halyq óneri» atty halyqaralyq óner baıqaýyn jarıalaıdy

 Baıqaýǵa Qazaqstannyń jáne elimizden tys óńirlerdegi sýretshilerdiń, sheberlerdiń, músinshilerdiń t.b. óner ıeleriniń jumystary qabyldanady.

 Baıqaýdyń maqsaty ulttyq kádesyılardyń jańa nobaılaryn ashyp, kıeli qazaq óneriniń keń qanat jaıýyna úles qosyp, tyń ıdeıalar týdyryp, óner sheberleriniń týyndylaryn halyqqa pash etý. Ultymyzdyń uly muralaryn, halyq óneri men mádenıetiniń jańa qyrlaryn ashý.

 Baıqaýdyń ótkizilý merzimi: 1 shilde – 1 qazan aralyǵy, 2012 j.

 Qazaqstannyń belgili óner qaıratkerlerinen qurylǵan ádil qazylar alqasy jumystardy iriktep qorytyndysyn jarıalaıdy.

 Marapattaý rásimi 10 qazanda ótedi.

 Jumystardy qabyldaý orny: Almaty qalasy, Baızaqov kóshesi 133 b, «Ádemi-Aı» óner úıi

 Júlde qory – 1 000 000 tg jáne 3 jyl merzimge «Ádemi-Aı» kompanıasymen jeke kelisim-shartqa otyrý.

 «Ádemi-Aı» kompanıasynyń baıqaýdy ótkizýdegi alǵa qoıǵan maqsattary:

 - El arasynda júrgen talanttardyń eńbekterin jaryqqa shyǵarý. Jas talanttardyń ónerine qoldaý bolý jáne olardyń meılinshe halyqqa tanymal bolýyna jaǵdaı jasaý.

- Qazaq halqynyń búkil bolmysy tutastaı qamtylǵan kádesyılar oılap tabý.

- Halyqtyń ulttyq ónerge degen syı-qurmetin, qyzyǵýshylyqtaryn arttyrý.

- Sýretshilermen, músinshilermen t.b. kóptegen óner adamdarymen tyǵyz qarym-qatynas, turaqty baılanys ornatý.

-  Barlyǵynyń basyn qosyp, ortaq múddege birige jumylý.

 Baıqaý ótkizilýge eki aı ýaqyt qalǵanda jumystar qabyldana bastaıdy. Bir aı ýaqyt ishinde barlyq jumystar qaralyp, saralanyp qorytyndylaý rásimine avtorlar shaqyrylady.

 Baıqaýǵa myna taqyryptar boıynsha kádesyıǵa laıyqtalynyp jasalynǵan jumystar qabyldanady:

1. Zergerlik buıymdar
2. Qazaq halqynyń salt-dástúri
3. Jıvopıste, grafıkada, músindeýde ulttyq ıdeıanyń oryn alýy
4. Hand made kádesyılar
5. Uly dala muralary
6. Týǵan ólkege taǵzym
7. Jańa álemdegi - Jańa Qazaqstan

 Osy oraıda 7 júldeli oryn taǵaıyndalady. Árbir jeńimpaz kádesyılar naryǵynyń kóshbasshysy «Ádemi-Aı» kompanıasynan estelik kádesyı jáne baǵaly zattarmen marapattalady.

 Qorytyndy kesh «Elbasy» Tuńǵysh Prezıdent qorynyń ǵımaratynda ótedi.  Úlken kórme uıymdastyrylyp, barlyq iriktelgen jumystar kórermenniń nazaryna usynylady. Ary qaraı konserttik baǵdarlamaǵa ulasady.

 Baıqaý jaıly aqparat aldyn ala BAQ-da jáne kompanıanyń jeke saıty www.ademi-ai.kz saıtynda jáne kóptegen portaldarda jarıalanatyn bolady. Barlyq qatysýshylar tıisti aqparatpen der kezinde qulaqtaný úshin barlyq jaǵdaı jasalady.

 Baıqaýdy uıymdastyrýshy arnaıy top qurylady.

 Bul bizdiń ótkenimiz ben búginimiz, bolashaǵymyz, bizdiń baǵa jetpes tarıhı muralarymyz. Biz olardy qashanda kózdiń qarashyǵyndaı qarap, urpaqqa máńgi mura etýimiz kerek. Sondyqtan baıqaýdyń joǵarǵy deńgeıde ótkizilýine kompanıa ujymy barynsha atsalyspaq.

 Qosymsha aqparat:

 Baıqaýdyń baspasóz hatshysy – Madıar Ábilqaıyr

 Tel: +77017985568, 87052030777