Almaty oblysy Jambyl aýdanynda joǵalǵan  Jarqynbek Doldanuly, Muqıat Zarlyhanuly jáne Qadylbek Álimhannyń máıitin qylmyskerler Uzynaǵash aýylynan 200 shaqyrym jerge aparyp, qumǵa kómip ketken, - dep habarlaıdy Qamshy.kz.

Bul týraly búgin Jambyl aýdandyq İİB aldynda jınalǵan jurtqa marqumdardyń týystary habarlaǵan.

«Búgin tańerteń birneshe júz adam aýdandyq polısıa bólimine jınaldyq, sodan túske qaraı polısıa basshylary olardyń súıekterin osydan 200 shaqyrymdaı jerden tapqandaryn estirtti», - deıdi joǵalǵan kisilerdiń týysy Tursyn Ámirbaıuly.

Marqumdardyń árqaısysynyń artynda ekiden, úshten jas balalary, qart ata-analary qalǵan.

Buǵan deıin atalǵan oqıǵaǵa qatysy bar degen kúdikpen eki adamnyń ustalǵany týraly jazǵan bolatynbyz. Osy oqıǵaǵa baılanysty Almaty oblysy prokýrorynyń orynbasary Saıat Bakırov Jambyl aýdanyna arnaıy kelip, tergeý sharalaryn baqylaýǵa alǵan.

Erlan Tóleýbaı