Rıodaǵy jazǵy Olımpıada júldegeri Jazıra Japarqul Shymkentte jol apatyna tústi, - dep habarlaıdy Qamshy.kz tvk-uko.kz – ke silteme jasap.
BAQ-tyń habarlaýynsha, jol apaty búgin kúndiz Shymkkenttegi Baıtursynov-Rysqulov kósheleriniń qıylysynda bolǵan. Aýyratletshiniń ákesine tıesili «Hyundai Accent» avtomashınasyn aýyr júk kóligi artqy jaǵynan soǵypty. Qos kólikke de asa qatty nuqsan kele qoımaǵanymen kólik ıeleri jańa mashınanyń bulaı apatqa túsýne qynjylǵan sıaqty.
Oqıǵaǵa qatysty pikir bilý úshin Jazıranyń ózimen sóılesý múmkin bolmady, ol telefonyn óshirip tastaǵan.
Esterińizge salsaq, Rıoda ótken Olımpıada oıyndarynda Ońtústik Qazaqstan oblysynyń týmasy, 22 jastaǵy Jazıra Japarqul kúmis medal ıelengen edi. Osy jeńisi úshin oblys ákimi oǵan eki bólmeli páterdiń jáne Land Cruiser 200 jol talǵamaıtyn kóliktiń kiltterin tabys etken bolatyn. Sportshyny atalmysh kóliktiń tizgininde áli eshkim kórmedi.
