Qazaqstan TMD elderi ishindegi uıaly baılanys quny eń qymbat el ekenin Reseıdiń táýelsiz "ComNews Research" zertteý ortalyǵy kórsetken. Sonymen qatar, Reseıdiń dál sol táýelsiz "ComNews Research" zertteý kompanıasynyń 25 aqpan 2013 jylǵy "Qazaqstannyń aımaqtaryndaǵy uıaly baılanys qyzmetteriniń quny" taqyrybyndaǵy zertteýleriniń nátıjelerine sáıkes, Qazaqstandaǵy eń qymbat uıaly baılanys Kcell (GSM Kazakhstan operatory) bolyp tabylǵan. Búgingi smartfonǵa telmirgen zamanda bir adamda qos-qos telefon men eki-úsh nómirden bar. Telefon tek baılanys quraly ǵana emes «Keregińdi aldyńnan, izdemeı-aq taýyp beretin» zamannyń ozyq tehnologıasy bolyp otyr. Soǵan oraı elimizde túrli baılanys operatorlary bar. Olardyń ishinde eń kóp taralǵandary - Aktıv- Ksell, Bılaın, Tele2 operatorlary. Keıingi kezde Qazaqstandyqtardyń baılanys operatorlaryna shaǵymdary kún sanap kóbeıýde. Osyǵan oraı Qamshy.kz tilshisi baılanys operatorlaryna qatysty halyq pikirin bilgen edi, jaýaptar tómendegideı boldy:
Aqbota: Kezinde "Alo»Qazaqstan3" aılyq tólemaqysy myń birdeńe bolǵan edi. Keıin 2500-ge kóterdi, endi mine taǵy kótermek eken. Al ınterneti kúnnen kúnge tek qandy ishedi. Sapasynyń nasharlap ketkeni týraly bólek áńgime.
Serjan: Aktıv, kúndiz bálen túnde bálen megabaıt dep bizdi tobyr sıaqty aldap keledi.
Aktıv operatorynyń nómirin besinshi jyl qoldanyp kele jatqan Almatylyq Gúlnara hanym bylaı deıdi: Aktıvtiń «Alo, Qazaqstan» tarıfine qosylǵanmyn, biraq sol tarıfte beriletin kúndizgi jáne túngi megabaıt sanynda «túngi ınternet» kólemin kóp bergen, onyń ózi túngi saǵat 1-den keıin qosylady. Árıne, kóp adam túngi birden keıin ınternette jatpaıdy. Kerisinshe kúndizgi ýaqytqa ınternet kólemin kóbeıtse durys bolar edi.
Abylaı: «Aktıvti» qatelespesem tórt jyl paıdalandym, aı saıyn 2-3 myń teńge birlik salyp, shyǵynym kóbeıgen soń «Tele2-ge» aýystym, biraq ol barlyq jerde ustaı bermeıdi. Qazir «Altel» nómirin ustap júrmin. Internette kóp otyratyn jastar úshin óte tıimdi. Bir aıǵa 1000 teńge artyǵymen jetedi. Jeli ishindegi tegin qońyraýlary da bar.
Maqpal: «Aktıv» buryn jaqsy bolatyn. Keıingi kezderi birlikti kóp jep qoıady. Bir aptada 5 myń teńge qurtqan ýaqyttarym boldy. Aktıvke habarlassam, ózińiz paıdalanǵansyz dep, bolar –bolmas 270 teńgemdi qaıtaryp berdi. Nómir aýystyraıyn desem, tanystarymnyń bárinde osy nómir. Sonymen aı saıyn 4-5 myńdy aktıvke tólep júrmin.
Quralaı: Men shet elge kóp shyǵamyn, sol kezde «Aktıvtiń» roýmıngin qosamyn. 5-10 myńǵa dep qosasyń, elge kelseń 25-30 myńǵa deıin shyǵyp ketedi. Bir aptadaı boldy «Alo, Qazaqstanǵa» qansha birlik salsam da qosyla almaı júrmin. «Aktıv» tarıf baǵasyn qymbattata beretin bolǵan.
Qýanysh: Tele2 Kazakhstan "Aqyryn júrip, anyq bas!" degendi ustanǵan sıaqty. Baıqatpaı baǵany kóterip keledi. Basynda ózim qyzyqqan tarıf 880 tg bolatyn, keıin "Keregi osy!" dedi de 990 tg qyldy. Al, endi asyra maqtap "Kúshti" qylyp shyǵardy. Aıyna 1390 tg. Osylaı kete berse qadiri ketedi aý..
Baıqap otyrsańyzdar halyqtyń kóbi «Aktıv» baılanys operatoryn qoldanady.
GSM Qazaqstan uıaly baılanys operatory — Qazaqstannyń baılanys naryǵyndaǵy GSM900, GSM1800, UMTS/WCDMA (2100 MGs) standarty boıynsha kósh bastaýshy operator, jáne óz qyzmetin «Activ», «Kcell jáne Vegaline» brendteri arqyly kórsetedi.
Kompanıa 1998 jyly 30 qyrkúıekte qurylyp, Kcell jáne Activ saýda belgilerimen jumys istep keledi. Qazaqstan Respýblıkasynyń 1058 qalasy men eldi mekeninde Kcell uıaly baılanysynyń qyzmetteri kórsetiledi, ol negizgi avtomagıstraldardyń 85%-yn qamtyǵan. Bazalyq stansıalar halyqtyń 66%-y turatyn aýmaǵynda sıgnaldyń sapaly qabyldanýy men jetkizilýin qamtamasyz etedi. Kcell 113 eldiń 236 operatorymen avtomatty roýmıng, 32 eldiń 48 operatorymen GPRS-roýmıng qyzmetimen baılanysqan. Qazaqstanda sondaı-aq, Beeline, Pathword, Neo,t.b. baılanys júıeleri qyzmet kórsetedi.
Aktıv» kompanıasynyń Qazaqstan naryǵyna kelgenine 18 jyldan asqan. «Ksell» AQ aksıoneri fın-shved-túrik kompanıasy. 2012 jyldyń aqpan aıynda Qazaqtelekom TeliaSonera-daǵy óz úlesin 1,519 mlrd dollarǵa satyp jibergen. 2011 jyldan bastap Aktıv IPO bolyp tabylady. Aınalymda 168,4 mlrd teńge bolsa, Operasıaly paıdasy 2015 jyly 52,6 mlrd teńgeni quraǵan, taza tabysy – 46,6 mlrd. Qyzmetkerleriniń sany -1830 adam, Bas dırektory – Ian Rýdberg.
Saraptama men resmı derekter sóılesin
Halyqaralyq 4Service Group 2016 jyldyń qyrkúıek aıynda ótkizilgen Qazaqstan naryǵyndaǵy baılanys quralyn zertteý nátıjelerin jarıalady. Blıs-suraqqa 14 oblystan 1200 abonent qatysqan.
Málimetter boıynsha, respýblıkada mobıldi baılanys shyǵynynyń ósimi baıqalady. 2015 jyldyń úshinshi kvartalynda 1000 jáne 2000 teńge kóleminde jumsaıtyndardyń úlesi 40% quraǵan. Búgingi tańda olardyń sany 46% ósken.
« Negizgi segmentterdi Beeline (84%) jáne Tele2 (83%) operatorlarynyń 2000 tg deıingi tómengi mobıldi baılanys shyǵyndary quraıdy. Eń qymbat baılanys operatory Kcell — 46%, onyń abonentteri aıyna kem degende 2000 tg jumsaıdy», — deıdi sarapshylar.
Qazaqstandaǵy mobıldi baılanys shyǵyndary, Q3 2016
Mobıldi baılanys quraldaryn eń belsendi paıdalanatyndar 16 men 29 jasa aralyǵyndaǵy adamdar — 24%. Belsendilik jaǵynan ekinshi orynda —40-49 jastaǵy (20%) adamdar. Batyrmaly telefondy elimizde qoldanýshylardyń sany áli kúnge deıin joǵary deńgeıde bolyp otyr, olardy suranymǵa jaýap bergenderdiń 28% qoldanatyn bolyp shyqqan. Sarapshylar jas aıyrmashylyǵy bar respondentter men telefon tıpiniń arasynda turaqty táýeldilik bar ekenin rastap otyr: smartfondy qoldanýshylardyń bóligi 16-29 jas aralyǵynda 95%, 70 jastan joǵarylarda 18%.
Zertteý nátıjesi smartfon ıeleriniń 18% mobıldi ınternet qoldanbaıtyndaryn kórsetti. Málimette bir jyl ishinde ınternet –qoldanýshylardyń kólemi 29% óskenin kórsetýde. Mobıldi ınternettiń kóptegen qoldanýshylary (39%) orta eseppen aıyna 1 Gb júkteıdi. 6 Gb júkteıtin óte belsendi qoldanýshylar úlesi 11 p.p. jetip, 28% quraǵan.
Elimizde eń qoldanylatyn baılanys operatorlary: Beeline (37%), Activ (25%) jáne Tele2 (22%). Ótken jyldyń analogti ýaqytymen salystyrǵanda olar burynǵy pozısıalarynda qalǵan.
Zertteý barysynda MNP (Mobile number portability — baılanys operatoryn nómirdi saqtaý arqyly aýystyrý) osy jyly qoldanýshylardyń qalaýyna baılanysty bolǵan : suraqqa jaýap berýshilerdiń 13% ǵana abonent qyzmetterine kóńilderi tolatynyn bildirgen jáne operator baılanystaryn aýystyrýǵa qulyqty emes bolyp shyqqan. Negizgi kóńil tolmaýshylyqtyń basty sebebi dep respondentter mynalardy kórsetken: baılanys sapasy men mobıldi ınternettiń nashar jumys isteý (37%), qyzmet baǵasynyń tym joǵary bolýy (29%), servıs sapasy (4%).
Mobıldi operatorlar baǵasynyń da analızderi júrgizilgen. Sarapshylar mobıldi qyzmet qunynyǵ qymbattap ketkenin atap ótti. Operatorlar jeli ishindegi SMS paketiniń qunyn azaıtyp tastaǵan. Ótken jylmen salystyrǵada barlyq operatorlar jeli ishinde lımıtsiz qońyraýlar usynǵan.
Zertteýler eń tıimdi tarıfti josparlardy Tele2 (Krýtoı) aıyna 1290 tg jáne Beeline (BÁRİ 1200 tg.) usynyp otyr deıdi.
«Baılanys quraldary operatorlarynyń usynyp otyrǵan Internet- usynystary keń aýqymda taraǵan jáne paket kólemi jaǵynan da iri bolyp tur. Eń tıimdi baǵa men ınternetti ( 100 Mb) Activ, Kcell jáne Tele2 — usynǵan, baǵasy 6,6 jáne 7 tg. delingen», — aqparatta.
