90 jasqa kelgen polák rejıseri Andjeı Vaıda jeksenbi kúni keshke dúnıeden ozdy, - dep habarlaıdy Qamshy.kz QazAqparat-qa silteme jasap.
«Sońǵy kezderi rejıser aýyryp júrdi. Birneshe kún buryn aýrýhanaǵa tústi. Emdelip shyǵatynyna úmittenip edik», - dedi TVN-24 telearnasynyń efırinde senarıst, rejıser Iasek Bromskıı .
«Qyrkúıek aıynyń aıaǵynda Gdyná qalasyndaǵy kınofestıvalde 1920-1930 jylǵy polák avangardynyń pıoneri, sýretshi Vladıslav Strjemınskııdiń sońǵy jyldary týraly baıandalǵan Vaıdanyń "Posleobraz" (Powidoki) jańa fılmi tanystyrylǵan bolatyn. Sońǵy jumysy úshin arnaıy júldeni avtor qazylar alqasynyń qolynan ózi alǵan bolatyn. Keıin belgili bolǵandaı, Polák kınoóner ınstıtýty atalmysh lentany «Oskar» syılyǵynyń «Shet tilindegi úzdik fılm» nomınasıasyna usynǵan.
Polshada kóńil aıtý sózderi keshkilik merzimge qaramastan, jeksenbi kúni joldana bastady. Alǵashqylardyń biri bolyp, el prezıdenti Andjeı Dýda kóńil aıtty. «Ańyzǵa aınalǵan polák rejıseri, «Oskar» ıegeri Andjeı Vaıda qaıtys boldy. Biz ony máńgilik este saqtaımyz», - dep jazdy ol óziniń Twitter paraqshasyna.
Andjeı Vaıda 1926 jyly 6 naýryzda Sývalkıde dúnıege keldi. Oǵan keń tanymaldylyq Varshavalyq kóteriliske qatysýshylar dyńtaǵdyry týraly túsirilgen «Kanal» (1956) fılminen keıin keldi. Rejıser kartına úshin birneshe júldege, sonyń ishinde Kann kınofestıvaliniń arnaıy júldesine (1957) ıe boldy.
