Jelide adamdardan kómek suraǵan Gúlmıra Qabysheva esimdi qazaq áıeliniń jazbasy paıda boldy. Onda ol kúıeýinen ábden qorlyq kórgenin jazady. Ony kúıeýi ózimen birge turýǵa májbúrlep, ajyrasýǵa múmkindik bermegen. 5 aı boıy ustap qınaǵan,- dep habarlaıdy Qamshy.kz Stan.kz-ke silteme jasap.

“Men Aqtaýǵa keterden bir kún buryn ol meni taýyp aldy. Bul oqıǵa 30 sáýirden 1 mamyrǵa qaraǵan túni boldy. Uryp-soqqan soń qashyp ketkenmin, biraq, ol meni taýyp alyp, aıaǵymdy syndyryp, kúshtep Aqsaıǵa alyp bardy. Men múlde baılanyssyz qaldym. Gıpsti sheshken soń bir jary aıdan soń men qaıtadan qashyp shyqtym. 29 shildede anam balalardy alyp Astanaǵa keldi. Biraq, kúıeýim meniń izime taksı júrgizýshileri arqyly túsipti. İzge túsý tipti Aqtóbe vokzalynda bastalyp ketipti. Nátıjesinde ol jaldaǵan páterimizdi taýyp alyp, meni taǵy da alyp ketti”, – deıdi ol.

Gúlmıranyń aıtýynsha anasy bar kezde kúıeýi buǵan saýsaǵynyń ushyn da tıgizbegen. Ózin tártipdi adam sıaqty ustapty. Al anasy Aqtóbege kete salysymen, kelinshegin týra Aqtóbe-Aqsaı tas jolynyń boıynda judyryqtaǵan.

“Ol qaıtadan telefon, kompúterdi alyp qoıdy. Barlyq qujattar men kiltterdi de tartyp aldy. Osylaısha meni aıdan astam ýaqyt boıy ustady. Osy ýaqyt ishinde resmı ajyrasqanymyzǵa qaramastan men onyń áıeli bolyp “ról oınadym”. Alǵashqy eki ret qashyp shyqqanym sátsiz aıaqtaldy. Qazir úshinshi ret qashyp otyrmyn. Myna masqara aıaqtalý úshin osy joly barymdy salamyn”, – dep jazady áıel.

Ol kúıeýi barlyq nársege daıyn jaýyz adam deıdi. Ótirikshi, manák, psıhıkalyq aýytqyǵan adam dep sıpattaǵan.

“Ol meni taǵy da izdep taýyp alýǵa kúsh salatyny belgili. Joǵary jaqqa da jazamyn. Ásirese balalar men olardyń psıhıskasy úshin óte qorqynyshty jaǵdaı”, – deıdi áıel.