Qazaqstandyqtardyń, tipti dúnıe júziniń nazaryn aýdarǵan Qazaqstannyń kásipqoı boksshysy Qanat Silámuly men Ganalyq áriptesi Patrık Aloteıdiń aldaǵy ýaqytta Almaty qalasynda ótetin jarysyna oraı Qytaı Halyq Respýblıkasyndaǵy eń úlken boks saıty – «Boks avıamatkasy» saıty arnaıy habar taratyp, Qytaıdaǵy qalyń boks áýeskerleriniń nazaryna usyndy. Habardyń mazmuny mynadaı:
Qanat 29 qazanda Patrıkpen beldespek
Aqparat dánekerleriniń habaryna qaraǵanda, kezinde Qytaı quramasy atynan 2008 jylǵy Beıjıń olımpıadasyna qatynasqan Qazaqstan kásipqoı boksshysy Qanat Silámuly qazannyń 29 kúni taǵy da boks sharshy alańyna shyǵyp, Ganalyq áriptesi Patrık Aloteımen jekpe-jekke túspek. Qarsylastar WBA Fedelatin jáne WBO Intercontinental nusqalary boıynsha tıtýl úshin beldesedi. Jekpe-jek 29 qazanda Astana ýaqyty boıynsha saǵat 18: 00 de «Almaty árena» sport kesheninde ótedi.
32 jastaǵy Qanat Silámuly qazirge deıin kásiptik jekpe-jekte 21 ret tolyq jeńiske jetken, 18 retki jekpe-jekte qarsylasyn nokaýtqa jibergen (taldyryp túsirgen). Qanat 1984 jyly Shyńjańnyń Altaı aımaǵynda týylǵan. 1997 jyly Shyńjań básekelik denetárbıe mektebiniń boks komandasyna, 2001 jyly Shyńjań boks komandasyna, 2004 jyly olımpıada jarysy memlekettik shoǵyrly jattyǵý komandasyna kirgen. 2007 jyly tamyzda Úrimji halyqaralyq boks dostyq jarysynda Qanat Silámuly 69 kılogram salmaq dárejesinde aǵa júldeger, 2007 jylǵy dúnıe júzilik júldeli jarysta 69 kılogram salmaq dárejesinde 3 bolǵan, 2008 jylǵy Beıjıń olımpıadasynyń 1 orta salmaq dárejesinde (69 kılogram) qola medal alǵan. 2009 jyly Qanat Silámuly dúnıe júzilik kásiptik boks sahnasyna resmı qadam tastady, qazirge deıin úrtis 21 ret jeńiske jetti, munyń ishinde 18 retki jekpe-jekte qarsylasyn nokaýtqa jibergen. Qanattyń eń jaqynda ótken jarysy bıyl mamyr aıynda boldy, onda Kolýmbıalyq Hýan De Anhelmen kezdesip, ony tehnıkalyq nokaýtpen jeńdi. Qanat ــ judyryǵy aýyr, shabýylǵa maıtalman boksshy.
26 jastaǵy Patrık Aloteı ــ qazirge deıin kásiptik jekpe-jekte 34 ret jeńip, 2 ret jeńilgen, 28 retki jekpe-jekte qarsylasyn nokaýtqa jibergen. Ol jýyrdaǵy 4 retki jekpe-jekte úrtis jeńiske jetken, kúshi myǵym bolǵanymen, shaıqastaǵy nátıjesinen qaraǵanda, Qanat Silámulyna teń kele alatyndaı emes.
Qazir Qazaqstanda Golovkınniń tóbe kórsetýimen boks jurttyń nazaryn aýdardy. Golovkınnen tys, qazirgi WBA dyń 1 aýyr salmaq dárejesindegi jaı boks patshasy Beıbit Shúmenov ta Qazaqstandyq.
Mine, osylaısha mıllárdtar eli atanǵan elimizdegi eń úlken boks saıty Qanat Silámulyna zor senim artyp otyr. Qatardaǵy jankúıer retinde Qanat Silámulyna sáttilik tileımiz.
Senbek Áýesqanuly
