Keı adamdar «ǵylym-tehnıka ushqan qustaı damyǵan bul zamanda»- dep sóz bastaıdy. Shyn máninde ǵylym-tehnıka damyǵan joq, barynsha jyldamdyqpen damytý jáne sol arqyly ózin kemeldendirýge baryn salyp qulshynýda. Tómendegi birqansha jetistikter damý úshin izdenistiń aıqyn dáleli.
Birinshi, ózdiginen úırenip, oılana alatyn robot;
Qorshama doıbyda álem boıynsha birinshi orynda turatyn Lı Shyshynyń AlphaGo atty robottan 1 de 4 upaımen jeńilip qalýy...
Ekinshi, jasandy zeıin-zerdeli avtokólik;
Bul túrdegi kólikter iri qalalarda iske qosyldy. Jolda ózdiginen júredi. Kólik apatynan saqtaıdy ári aldyn alady. Tipti bolashaqta ózdiginen zarádtalyp, janar maıyn tolyqtap otyrady.
Úshinshi, robot jýrnalıs;
Koreıanyń bir ekonomıka aqparatynda, qundy qaǵazdar baǵasynyń ózgerisine saı, 0,1 sekýndtyq aıyrmashylyqpen aqparat jazyp jarıalaıtyn jýrnalıs robottar jumys isteýde dep jazdy.
Tórtinshi, robot oqytýshy;
AQSH-tyń bir ýnıversıtetinde robot oqytýshy 6 aı boıy stýdentterge sabaq bergen. Alaıda, onyń robot ekenin birde bir stýdent baıqamaǵan.
Besinshi, kómekshi robot;
Buryndary tek erekshe jaǵdaıda ǵana jumys isteıtin robottar qazir tipti de kemeldenip ári kólemi kishireıip, árbir adamnyń jeke kómekshisi retinde jeke otbasyna jalpy qoldanysqa túsýde. Google kompanıasynyń Assistant qobdıshasy men Amazon kompanıasynyń Echo qobdıshalary osynyń dáleli.
Altynshy, jynystyq qyzmet óteıtin robottar
Bul túrdegi robottardyń alǵashqy jobalary jasalǵan, oǵan ǵalymdar jasandy adam terisi, sezim jáne túısik bitirý úshin qulshynyp jatqan kórinedi.
Osylarǵa qaraǵanda ǵylym-bilimmen shynaıy qarýlanǵan ózge eldiń balasy jerde jatqan qý temirge jan bitirip, oǵan til men jazý úıretip, tipti de joǵary jumys ónimdilikteri men jaratqannyń zeıinin álemniń basqada tilsim qubylystaryn zertteýge, bilýge qulshynyp jatyr. Joǵarydaǵy jazylǵandar tek bir saladaǵy málim birneshe jetistikter ǵana, al qanshama basqada salalar men taqyryptar bar.
Biz she??! Basqasyn aıtpaǵanda, óser eldiń balasy ınternetten paıdalanyp, aqyly men bilimin básekelestirip, ómirsheńdik asqaq rýh úshin janyn salyp izdenip jatyr. Al biz, basym kópshiligimiz, ınternetti jershildik, rýshyldyqtyń taýsylmas daýynan damyp, ósektiń kóbeıgeni sonshalyq, jerimiz nıetimizden beter tarylyp barady. Qarap otyrsań, bir atanyń shóbereleri marqum bop ketken ákelerin qur maqtaýdan asa almaı, ata rýhyn, urpaq úmitin jer qylýǵa yǵysyp barady. Egerde dál osy súreńmen júre bersek, damyǵan eldiń balasy túgili, qý temirden ózgergen robotqa da jaramsyz bolyp qalamyz-aý. Biraq onyń betin ary qylsyn!
Endeshe, bilim úıreneıik. Ǵylym – shen alý, abyroı úshin emes! Atadan qalǵan dástúr men muralardy tizimdikke engizip qorǵaýdyń ornyna, ǵylym-bilim arqyly atanyń asyl murasyn, ájeniń asyl aqylyn, taýsylmas parasatyn álemdik deńgeıge kóterý úshin, jańalyq jaratý úshin úıreneıik. Zertteıik, jaratylystyń tylsymyn ǵylym-bilim arqyly tanýǵa kúsh salaıyq.
Qamshyger: ınternet tanýshy, Oılan
http://suhbat.kazakhsoft.com/
