IPhone 7 shyqqanyna kóp uzamaı-aq, jelide kelesi «Aıfonnyń» qandaı bolatyny týraly boljamdar tarap úlgerdi. Gadjettiń aldyn-ala aıtylyp jatqan eń birinshi sıpaty – onyń ıilgish OLED dıspleıi. Táýelsiz dızaınerler «Almafonnyń» kelesi úlgisin jasap jarysýda. ztb.kz saıty solardyń eń úzdikter toptamasyn jasapty.

Al Techconfiguration dızaınerleri ataqty gadjettiń eń shyndyqqa jaqyn úlgisin jasapty. Olar bul prezentasıany Arrle-dyń patentti dokýmentterine súıene otyryp qurastyrǵan. Olardyń oıynsha, segizinshi aıfon eki jaqty ıilgen, metal korpýsqa ıe bolady. Bir aıta keterligi, bul boljamda kamera dástúrli túrde ústińgi buryshta emes, ortasyna qaraı ornalasypty, ári Nome batyrmasy da alynyp tastalǵan.

Matteo Djentıl dızaınerleri jasaǵan beınerolıkte jańa aıfonnyń dıspleı, korpýs, shektemeleri – bári de áınekten turady. Bul – atalǵan gadjettiń eń aktýaldy úlgisi. Nome batyrmasy ekranda ornalasqan. Aldyńǵy kamera 12 megapıksel bolsa, negizgi kamera 8K rejıminde túsire alatyn kórinedi. Oǵan qosa, gadjet symsyz zarádtalatyn bolady.

Android Busters kanalynda jarıalanǵan úlgide dızaınerler fantasıkalyq sheshimderge barmaǵan. Munda da barlyǵy áınektelgen, OLED dıspleı, jaqsartylǵan kamera. Vıdeo avtorlary kelesi aıfondy A11 prosesorymen jabdyqtap, este saqtaý júıesin 256 GB-qa deıin ulǵaıtypty.

Bestikti eń kúrdeli konseptimen aıaqtaımyz. Óıtkeni, Sonitdac dızaınerleri segizinshi aıfondy aldaǵy onjyldyqta oryndalyp qalýy kúdik týdyratyn dıspleımen jabdyqtapty. Rolıkten Iphone 8 arnaıy mehanızm arqyly ekranyn planshet ekrany sekildi ulǵaıta alatyndaı etip jasalǵanyn kórýge bolady. Shyndyqqa az janassa da, beınerolıkti jelide 9 mıllıonǵa jýyq adam qarap úlgergen.