Shardara aýdany ákiminiń halyq aldynda bergen esebi boıynsha aǵymdaǵy jyldyń jartysynda 2759,8 mln. teńgeniń aýyl sharýashylyǵy ónimi óndirilgen. Bul týraly aýdan ákimdiginiń resmı saıty «Ashyq ákimdik» jobasy aıasynda jarıalap otyr.  Onyń ishinde 2741,3 mln.teńge mal sharýashylyǵynyń ónimderi, 18,5 mln.teńge egin sharýashylyǵynyń ónimderi. Jalpy óndirilgen aýyl sharýashylyǵy óniminiń naqty kólem ındeksi 106,1 paıyzdy quraǵan. Aýdandaǵy 64000 gektar sýarmaly jerdiń 59301,5 gektaryna aýyl sharýashylyǵy daqyldaryn egý josparlanyp,  aǵymdaǵy jyldyń  alty aıynyń qorytyndysy boıynsha 820,5 gektar kúzdik bıdaı, 1575 gektar jerge jazdyq arpa, 947 gektar jerge kúrish, 3784,25 gektar jerge dándik júgeri, 670 gektar jerge mash, 159 gektar jerge maqsary, 643 gektar jerge kúnbaǵys, 12456,85 gektar jerge maqta, 19153,7 gektar jerge eski jońyshqa, 4206,4 gektar jerge jańa jońyshqa, 3307 gektar jerge súrlemdik júgeri, 199,5 gektar jerge kartop, 542,9 gektar jerge kókónis, 10836,4 gektar jerge baqsha daqyldary egildi.  «Damý baǵdarlamasyna» sáıkes, 700 gektar egistik jerge tamshylatyp sýǵarý ádisin endirý josparlanyp, tapsyrma 100 paıyzǵa oryndaldy. Sondaı-aq, 5 gektar jerge jylyjaı salý josparlanyp, naqty 3,5 gektar jerge salynyp, jospar 70 paıyzǵa oryndaldy. «Sybaǵa» baǵdarlamasy boıynsha 1200 bas iri qara mal alý josparlanyp, naqty 1275 bas satyp alyndy nemese jospar 106,3 paıyzǵa oryndaldy. «Ońtústik Qazaqstan oblysy boıynsha mal sharýashylyǵyn damytý  is-sharalarynyń 2014-2016 jyldarǵa arnalǵan josparynyń»  baǵyttary (mal bordaqylaý alańdaryn qurý, shaǵyn sút fermalary, sút qabyldaý beketteri, STK)  boıynsha qala, aýyl okrýgterine aýdan ákimi tarapynan is-sharalar jospary bekitilgen. Atalǵan kórsetkishter boıynsha búgingi tańda mal bordaqylaý alańdaryn qurý jyldyq mejesi 145 birlik, oryndalǵany 85 birlik.  Asyl tuqymdy etti baǵyttaǵy buqa alý tapsyrmasy 60 bas, odan alynǵany 44 bas. «Altyn asyq» baǵdarlamasy boıynsha 2100 bas ýaq mal alý tapsyrmasy berilip, tapsyrma 2670 basqa oryndaldy. «Qulan» baǵdarlamasy boıynsha 300 bas jylqy alý tapsyrmasy berilip, tapsyrma 258 basqa oryndaldy. 5-10 bastyq shaǵyn januıalyq fermalar qurý tapsyrmasy 18 birlik, odan oryndalǵany 19 birlik.

http://rgmedia.kz/