«Ashyq ákimdik» jobasynyń qaǵıdasyna saı Sozaq aýdanynyń ákimi M.Isaev aǵymdaǵy jyldyń 6 aıyndaǵy esebi jaıly málimetterdi aýdannyń resmı saıtyna jarıalap otyr. Ákimniń málimeti boıynsha jarty jylda jalpy ónim kólemi 3 mlrd 825 mln teńgeni qurap, 2015 jyldyń esepti kezeńimen salystyrǵanda 110 paıyzǵa artyǵymen oryndalǵan. Bıylǵy jyly aýdanda mal basynyń barlyq túri boıynsha ósim bar. Atap aıtsaq, múıizdi iri qara – 26935 bas nemese 103,5%-ǵa, qoı-eshki – 290 841 basqa, jylqy – 11329 basqa nemese 100,7%-ǵa, túıe – 10815 bas 100% -dy qurap qustar sany – 16008 bas bolyp 103,4 %-ǵa ósken. Ótken 2015 jylmen salystyrǵanda et óndirý – 5672,1 tonna 100,7 %, sút – 7129,8 tonna 102,8 %, jumyrtqa (myń dana) 1364,5 danaǵa nemese 100,4 %-ǵa ósim bar. Oblys ákiminiń bastamasymen qabyldanǵan «2014-2016 jyldarǵa arnalǵan mal sharýashylyǵyn damytý baǵdarlamasy» sheńberinde aýdanda aýqymdy jumystar atqarylýda. Atalǵan baǵdarlama sheńberindegi jumystar aýdan sharýalaryn mal bordaqylaýǵa yntalandyryp, keleshekte tabys tabýdyń, qosymsha jumys oryndaryn ashýdyń, birden bir kózine aınalýda. Qaraqur aýyl okrýginen «Qaraqur» Ó/K (túıe) jáne (qoı), Sholaqqorǵan aýyl okrýginen «Baǵdat» sh/q (túıe), Qumkent aýyl okrýginen «Qumkent» Ó/K (qoı) asyl tuqymdy mal sharýashylyqtary bolyp tirkelip, jumys jasaýda. Egistikke tamshylatyp sýarý tehnologıasyn engizý mejesin oryndaý maqsatynda «Sozaq sáýlet» MKQK arqyly aýdan boıynsha 56 ga jerge tamshylatyp sýarý ádisi endirilip «Jasyl jelek» baǵdarlamasy negizinde dekoratıvti baý egildi. Úsh jaqty kelisim shart boıynsha aýdanǵa 20 tehnıka alý mejesi belgilengense, 10 tehnıka alynyp, tapsyrma 50 % oryndaldy. Aýdan boıynsha 13007 gektar egistik jer ıgerilip, bul jóninde belgilengen meje 105 paıyzǵa oryndaldy. Úı irgelik 1577 gektar jerdi ıgerý tapsyrmasy berilip, tapsyrma 100 paıyzǵa uıymdastyryldy. Egin sharýashylyǵy salasyn damytý maqsatynda kóktemgi jáne kúzgi dala jumystaryna memleket tarapynan 455 tonna jeńildetilgen janar-jaǵar maı bólinip, aýdan agroqurylymdary osy bólingen janar-jaǵar maıdy tolyǵymen aldy. Aýdan boıynsha egilgen egis kólemin saqtandyrý jumysy da birshama nátıjeli júrgizilip, 1151 gektar alqaptaǵy egistik saqtandyryldy. Sýarmaly jer kólemin ulǵaıtý boıynsha 305 gektar alqapty aınalymǵa qosý tapsyrmasynyń 45 gektar alqaby (15 %) jaıylymdyq jerden sýarmaly egistik túrine aýystyryldy. Sýarmaly jer kólemin ulǵaıtý tapsyrmasyn oryndaý maqsatynda 2015 jyldan qurylysy ótpeli bolǵan «Biresek» sý qoımasy, qurylys jumystary júrgizilýde. Aýdanda Qyzemshek kent okrýginen «Keń dala» AÓK qurylyp kishi mal soıý alańy men 370 tonnaǵa deıin et óńdeý sehy iske qosyldy. Sonymen qatar, Sholaqqorǵan aýyldyq okrýginen «Arýana» AÓK qurylyp túıe sútin óńdeıtin qymyran sehyn ashýǵa jumystar júrgizilýde.
