Búgin OQO Aımaqtyq komýnıkasıa qyzmetinde ótken brıfıńte «ONTUSTIK»  Kásipkerlerge qyzmet kórsetý ortalyǵynyń bas dırektory Oljas Toǵaev  taýar óndirýshiler veb-portalynyń  iske qosylǵanyn málimdedi.

Onyń aıtýynsha, otandyq taýar óndirýshi kásiporyndardyń ónimderiniń ótimdiligin joǵarylatý, qoljetimdiligi men suranysty arttyrý maqsatynda oblys ákiminiń bastamasymen «ONTUSTIK» Kásipkerlerge qyzmet kórsetý ortalyǵy biregeı joba www.ondiris.kz taýar óndirýshiler veb-portalyn iske qosty.

ONDIRIS.KZ – bul menshik nysany men túrli salalar boıynsha taýar óndirýshiler jáne kásiporyndardyń bazasyn biriktiredi. Munda árbir qalaǵan kásipker aımaqtardy jikteý fıltri arqyly, ózine qajetinshe kontragent taba alady: ónim berýshi, satyp alýshy, tutynýshylar, kompanıalar men túrli saladaǵy fırmalar.

Veb portalǵa ózi týraly málimetterdi ornalastyrý kásipkerler úshin tegin. Qazirgi tańda portalda OQO boıynsha negizgi 14 salalyq baǵytta 1000-nan asa otandyq taýar óndirýshilerdiń profılderi, 2 myńnan astam taýarlar ornalastyrylǵan. Sondaı-aq, negizgi portalmen qatar, jýyq arada ONDIRIS.KZ mobıldik qosymshasy iske qosylyp, jylyna eki ret arnaıy ONDIRIS.KZ jýrnaly basylyp taratylatyn bolady. Jýyq arada atalmysh qosymshany smartfonǵa Android jáne iOS platformalarynan júktep alýǵa múmkindik týady. Mobıldik qosymsha óz kezeginde árbir qoldanýshyǵa kez-kelgen ýaqytta jeke profılde yńǵaıly jumys isteýge septigin tıgizbek.

http://adym.kz/