Búgin Shymkent qalasyndaǵy «Qazyna» etno-tarıhı kesheni aýmaǵynda óńirdegi túrli etnomádenı birlestikterdiń tóraǵalary men belsendi músheleri aǵash kóshetterin otyrǵyzdy.
Etnos ókilderi bul bastamany oblys ákimi, OQO Qazaqstan halqy Assambleıasynyń tóraǵasy Janseıit Túımebaevtyń ulysymyzdyń uıytqysy Ońtústikti jasyl jelekke aınaldyrý týraly baıypty bastamasyna qoldaý bildirý dep aıtady. Esterińizge sala ketsek, qala basshysy Shymkentti kógaldandyrý úlken mindet ekenin, bul úshin barlyq qurylymdar birige jumys isteý kerektigine erekshe toqtalǵan bolatyn.
El Táýelsizdiginiń 25 jyldyǵyna arnalǵan ıgi sharaǵa oblystyq assambleıa hatshylyǵynyń meńgerýshisi M.Qalmuratov, OQO QHA janyndaǵy Qoǵamdyq kelisim keńesiniń tóraǵasy O.Rahmanberdıev qatysyp, bul bastama aldaǵy ýaqytta da óz jalǵasyn taýyp, qala turǵyndaryn qýantamyz degen oıyn jetkizdi.
Sharaǵa atsalysqan assambleıa músheleri kóshet otyrǵyzǵan aımaqty «Dostyq aleıasy» dep ataý jóninde usynys bildirdi. Rasynda 130-dan astam ult ókilderi mekendegen Qazaqstandaǵy aýyzbirshiliki,, birlik barshaǵa úlgi ári ónege. Sondyqtan bulaı aleıany ataý da óte oryndy dep túsinemiz.
Etnostardy qoǵamdyq bastamalarǵa uıystyrý, qazaqstandyq birtektilik pen birlikti nyǵaıtý, patrıotızmdi damytý, halqymyzdyń rýhanı-mádenı ortaqtyǵy negizinde qoǵamdyq kelisimdi qamtamasyz etýdi maqsat etken ıgi shara aldaǵy ýaqytta da jalǵasyn tappaq.
