Bul týraly Qazyǵurt aýdanynyń ákimi Tólegen Telǵaraev OQO Aımaqtyq komýnıkasıalar qyzmetinde ótken baspasóz jıynynda habarlady.
Táýelsizdik jyldaryndaǵy jetistikterdi baıandaǵan T.Telǵaraev aýdannyń jalpy óńirlik ónimi 74,2 mlrd. teńgege jetip, 30,6 esege, al ónerkásip óniminiń kólemi 4 431,7 mln. teńgege jetip, 45,8 esege artqanyn aıtty. Osy jyldar ishinde Qazyǵurtqa jalpy 102,7 mlrd. teńge ınvestısıa tartylsa, 2016 jyly 13 963,3 mln. teńgege deıin óskenin baıandady.
«Bıznestiń jol kartasy – 2020» baǵdarlamasy aıasynda 2012 jyldan beri jalpy sany 28 joba qoldaý tapqan. Aýdanda shyǵarylǵan ónim kólemi jáne kórsetilgen qyzmet pen jumys kólemderi 33,3 mlrd teńge bolyp, 1991 jylmen salystyrǵanda 51 esege artty. Kásipkerlikti damytýǵa 6 nesıe berý uıymdary arqyly, 2009 jyldan beri aýdan kásipkerlerine 9,8 mlrd.teńge qarjy berilgen»,- dedi aýdan basshysy.
Baspasóz máslıhatynda belgili bolǵandaı aýdanda tamshylatyp sýarý ádisiniń jalpy kólemi 2384 gektarǵa, al jylyjaılar kólemi 88,9 gektarǵa jetken. Osy jylyjaılardan bıyl 4,5 myń tonna kókónis ónimderi jınalǵan. Al egis kólemi ótken jyldan 2290 gektarǵa artyp, 83908 gektardy qurap otyr.
Spıkerdiń málimdeýinshe, osy jyly dándik júgeriden 2061,2 tonna, kókónisten 10397 tonna, baqshadan 2550 tonna, kartoptan 5189 tonna, masaqty daqyldardan 113251 tonna ónim jınalǵan. Al, bıdaıdyń ortasha ónimdiligi 26,9 sentnerdi qurady.
Munan bólek, Táýelsizdik jyldary iri qara mal sany 64 880 basqa jetip, 1,5 esege, qoı-eshki sany 356 843 basqa jetip, 1,3 esege, jylqy sany 28 331 basqa jetip, 2,2 esege ósken.
Búgingi kúnge aýdanda 569 iri qara mal bordaqylaý alańdarynda 9023 bas mal bordaqylanyp, 13015 tonna et óndirildi. Et ónimi 13 015 tonnaǵa jetip, 1,3 esege, sút ónimi 43 488,7 tonnaǵa jetip, 1,2 esege ósken.
Jalpy, qurylys salasy boıynsha 2001-2016 jyldar aralyǵynda 18,3 mlrd. teńgege 131 nysannyń qurylys jumystary júrgizildi. Sonymen qatar, aýdanda Táýelsizdik jyldary 32 mektep, 7 balabaqsha, 1 mádenıet úıi, 1 aýdandyq aýrýhana men emhana, 8 dárigerlik ambýlatorıa, 1 aýyldyq emhana, 1 aýyldyq aýrýhana ǵımaraty, 9 feldsherlik-akýsherlik jáne 9 medısınalyq tirekter salynǵan.
Gazdandyrý jumystary boıynsha 64 eldi mekenniń búgingi tańǵa 26 nemese 40 paıyzy tabıǵı gazben qamtylǵan. Qazirgi tańda qurylysy aıaqtalǵan 16 eldi mekenge tabıǵı gaz qosý jumystary júrgizilýde. Jalpy aýdan boıynsha 42 eldi meken tabıǵı gazben qamtylyp, 65,6 paıyzdy quraıtyn bolatynyń aıtqan aýdan basshysy aldaǵy ýaqytta budan da aýqymdy jumystar atqarylatynyn jetkizdi.
OQO ákiminiń baspasóz qyzmeti
